فۋتبول بىرلەستىگى ساۋىتى جارىسىندا تۋىلعان توبەلەسكە تەكسەرۋ جۇرگىزىلدى

2016.05.12 15:03   كەلۋ قاينارى : حالىق تورابى

　　حالىق تورابى، 12 – مامىر، بەيجيڭ. 11 – مامىر جۇڭگو فۋتبول بىرلەستىگى ساۋىتى جارىسىنىڭ 3 – اينالىمىنداعى جارىستا، اۋەسقوي كوماندا ــ ۋحان حۇڭشيڭ كومانداسى ءوز الاڭىندا جالعاستى اعا جۇلدەگەر بولۋدان ۇمىتكەر كوماندا جياڭسۋ سۋنيڭ كومانداسىمەن بەلدەستى، سوڭعى ناتيجەدە قوسىمشا ۋاقىت كەزىندە سۋنيڭ كومانداسى ءبىر دوپ كىرگىزىپ، 1:0 ۇپايمەن قارسىلاسى حۇڭشيڭ كومانداسىن جەڭدى. ءبىراق جارىس اياقتالا سالا، جەڭىلىسىنە مويىنسال بولماعان حۇڭشيڭ كومانداسىنىڭ مۇشەلەرى سۋنيڭ كومانداسىنىڭ مۇشەلەرىن تاياققا جىعىپ، سۋنيڭ كومانداسىنداعى كوپ ادام جارالاندى. قازىر بۇل ىسكە جۇڭگو فۋتبول بىرلەستىگى تەكسەرۋ جۇرگىزۋدە.

　　ىلە – شالا حۇڭشيڭ كومانداسى مالىمدەمە جاريالاپ، جۇڭگو فۋتبول بىرلەستىگى مەن قالىڭ جانكۇيەرلەردەن كەشىرىم سۇرادى ءارى سۋنيڭ كلوبى مەن جارالانعان دوپشىلاردان كەشىرىم سۇرادى، سونىمەن قاتار كەسكىندى قايتادان كورىپ، توبەلەسكە قاتىناسقان بارلىق دوپشىلاردى كوماندادان شىعاراتىنىن ءبىلدىردى.

　　جۇڭگو فۋتبول بىرلەستىگى سول كۇنى كەشتە رەسمي ميكروبلوگىندا مالىمدەمە جاريالاپ: جۇڭگو فۋتبول بىرلەستىگى بۇل ىسكە ەرەكشە نازار اۋداراتىنىن، كاسىپتىك بىرلەسپە جارىسى باسقارۋ كوميتەتىنىڭ بۇل ىسكە دەركەزىندە تەكسەرۋ جۇرگىزەتىنىن، مۇقيات تەكسەرگەننەن كەيىن، بەلگىلەمە بويىنشا قاتاڭ ءبىرجايلى ەتەتىنىن ءبىلدىردى.

　　بۇل رەتكى قالايماقانشىلىقتا، سۋنيڭ كومانداسىنىڭ مۇشەسى شيە فىڭفەي تاياققا جىعىلدى، باسقا دوپشىلاردا ۇقساماعان دارەجەدە سوققىعا ۇشىرادى. جارىس الاڭىنداعى سۋنيڭ مەدياسىنىڭ ءتىلشىسى دە تاياققا جىعىلدى.

　　ۇعىسۋعا قاراعاندا، سۋنيڭ كلوبى دەركەزىندە ساقشىعا مالىمدەگەن، سونىمەن قاتار بۇل جاعدايدى جۇڭگو فۋتبول بىرلەستىگىنە مالىمدەپ، قاتىستى زاڭ –ءتارتىپ بەلگىلەمەلەرى بويىنشا بۇل ءىستى ءبىرجاقتىلى ەتۋىن ءۇمىت ەتكەن.

　　كەلۋ قاينارى: حالىق تورابى