سۋرەتتە: قيمىل باستالار الدىندا ءار قايسى اۋىل - قالاشىقتاردىڭ شاباندوزدار گرۋپپاسى پاراتتان ءوتتى
مامىردىڭ 21 - كۇنى تۇستەن بۇرىن كۇنەس اۋدانىنىڭ تالدى قالاشىنداعى ءيىنجار بايگە الاڭىندا اۋداننىڭ 42 - كەزەكتى ات بايگەسى وتكىزىلدى.
ات بايگەسىن نەگىز ەتكەن بۇل رەتكى دابىرالى قيمىلدا 3، 5، 10 كيلومەترلىك الامان بايگە جانە 3، 5 كيلومەترلىك جورعا جارىس سالىندى. ات بايگەسى باستالۋدىڭ الدىندا الاڭدا 60 جانە 80 كيلوگرام سالماقتاعى بالۋانداردىڭ كۇرەسى جانە بۇقا تارتىسى وتكىزىلدى. ەكى ءتۇرلى سالماقتاعى 9 جۇپ بالۋان كۇرەسىپ، 8 جۇپ شاباندوز بۇقا تارتىسقا ءتۇسىپ، كۇش - قۋاتتارىن كورسەتىپ، كورەرمەندەردى باۋرادى. الىسقانىن الىپ ۇرعان 10 بالۋانمەن قارا كۇشكە قارىسىپ، قارسى جاعىن بۇقاشا سۇيرەگەن بۇقا تارتىس شاباندوزىنان 8 ادام ءۇش دارەجە بويىنشا ناق مايداندا زاتتاي سيلاندى. ونان سوڭ 10 جۇپ قىز - جىگىت قىزقۋارعا شىعىپ ويىن كورسەتتى. سوڭىنان ات بايگەسىن تاماشالاۋعا جينالعان قالىڭ قاۋىمدى ەلەڭدەتكەن الامان بايگە باستالدى.
كەلۋ قاينارى: حالىق تورابى