بالا بازار، بار ءۇيدىڭ بەرەكەسى، قۇتتى بولسىن بالالار مەرەكەسى

ماقالاسىن جازىپ سۋرەتتەرىن تۇسىرگەن باقىتبەك ءجۇمادىل ۇلى 

2016.05.30 13:31   كەلۋ قاينارى : حالىق تورابى

ءسابي سەزىمى

　　بالالىق ــ ادام ءومىرىنىڭ بالداي ءتاتتى باقىتتى شاعى. سوندىقتان دا، بالالىق شاعىن اڭسامايتىن پەندە بولماسا كەرەك. بىزگە سول بال داۋرەن قايتىپ كەلمەگەنىمەن، ءبارىمىز ۇرپاعىمىزبەن كوگەرىپ، كوكتەپ ماڭگى جاسايمىز.

　　ومىرگە تالپىنعان جاس نارەستەنىڭ ءىس – ارەكەتى ادامعا كوڭىلدىلىك، ىنتىزارلىق باعىشتايدى، بالانىڭ بالداي قىلىعىن قىزىقتامايتىن جان بولماسا كەرەك. ءسابيدىڭ كىرشىكسىز تازا كوڭىلىنەن تۋعان تاڭدانىستى سۇراۋلارى، بىلدىرلاعان بال ءتىلى كوڭىلسىزدىكتىڭ تۇمانىن سەيىلتىپ، جۇرەككە ءبىر ءسات تىنىشتىق پەن پاكتىك سيلايتىن ءدارى.

　　اتا- انا بولعان بارلىق ادام بالانىڭ رياسىز كوڭىلىن ايالاپ، تالاپ - تىلەكتەرىن ورىنداۋعا تىرىسادى. مىنە وسى بارىس ادام ومىرىندەگى ەش بوداۋسىز ەڭبەك بولار. بۇل ەڭبەك ۇرپاقتان ۇرپاققا تابيعي جالعاسا بەرمەك. دانا حالقىمىزدىڭ «اكەنىڭ قادىرىن اكە بولعاندا بىلەسىڭ» دەپ تۇيىندەگەنىندەي، ءسىزدىڭ قالتقىسىز ەڭبەگىڭىز ۇرپاعىڭىزدىڭ موينىنا قارىز بولىپ جازىلمايدى، ول دا ءسىزدىڭ ءومىرىڭىزدى جالعاستىراتىن نەمەرە - شوبەرەڭىزگە سىزشە بوداۋسىز ەڭبەك ەتەدى. ۇرپاقتار تەك «مەكەگە ءۇش رەت ارقالاپ اپارىپ كەلسەڭ دە، اتا - انانىڭ قارىزىن وتەي المايسىڭ» دەگەن ۇلى باعامنىڭ ءمان - ماعىناسىن تۇسىنسە بولعانى، اتا - انا ەڭبەگىنىڭ بوداۋى وتەلگەنى.

　　قادىرلى وقىرمان، بۇگىنگىدەي باقىتتى زاماندا، باياشات تۇرمىس كەشىپ جاساپ جاتقان بالالاردىڭ ءتۇرلى ءىس - ارەكەتى تۇسىرىلگەن مىنا ءبىر توپ فوتو سۋرەتتى بالالار مەرەكەسىنە ۇسىندىق. وسى كورىنىستەرگە نازار سالساق، بالالىق بال داۋرەننىڭ كارتينالارى وزىمىزگە قايتارىلعان مەرەكەلىك ساۋعاداي سەزىلىپ، بالالارمەن بىرگە بالالىق شاققا بارىپ كەلگەندەي كۇي كەشەتىنىڭىز ءسوزسىز دەپ ويلايمىن!

　　كەلۋ قاينارى: حالىق تورابى