الەمدەگى ەڭ ۇزىن تەمىر جول تۋنەلىندە پويەز رەسمي قاتىنادى

تۋنەلدىڭ ۇزىندىعى 57.1 كيلومەتر

2016.06.02 13:09   كەلۋ قاينارى : حالىق تورابى

　　سۋرەتتە: 1 – ماۋسىم كۇنى شۆەتساريانىڭ ەرستفەلد قالاسىندا جولعا شىققالى تۇرعان پويەز، بۇل پويەز تۋنەلدىڭ وڭتۇستىگىندەگى بوديو قالاسىنا ساپار شەگەدى. شينحۋا اگەنتتىگىنىڭ ءتىلشىسى ليڭ شين فوتوسى

　　حالىق تورابى، 2 – ماۋسىم، بەيجيڭ. الەمدەگى ەڭ ۇزىن تۋنەل ەسەپتەلەتىن سان – گوتحارد تۋنەلىندە 1 – ماۋسىم كۇنى پويەز رەسمي قاتىنادى. ۇزىندىعى 57.1 كيلومەتر كەلەتىن بۇل تۋنەل الپى تاۋىنىڭ ورتا بولەگىندە سالىنعان، پويەز قاتىناعاننان كەيىن، شۆەتساريانىڭ ۋري وبلىسىنداعى ەرستفەلد قالاسىنان تيسينو وبلىسىنداعى بوديو قالاسىنا 20 مينۋتقا جەتپەيتىن ۋاقىتتا بارۋعا بولادى.

　　سول كۇنى وتكىزىلگەن تۋنەلدى ىسكە قوسۋ سالتىندا، شۆەتساريا فەدەراتسياسىنىڭ ءتوراعاسى جون سنەيدەر امان: سان – گوتحارد تۋنەلىنىڭ اشىلۋى تەك الپى تاۋىنان كەسىپ وتەتىن ۋاقىتتى قىسقارتىپ قانا قويماستان، شۆەتساريانىڭ، ءتىپتى، بۇكىل ەۆروپانىڭ تۇستىگى مەن تەرىستىگى اراسىنداعى قاتىناستى اناعۇرلىم قولايلىلاستىردى، - دەدى.

　　عالامتوردا جەرەبە تارتۋ ارقىلى سارالانعان 1000نان استام شۆەتساريالىق تۋنەلدەن وتەتىن تۇڭعىش پويەزگە وتىردى. شۆەتساريا فەدەراتسيالىق قاتىناس كەڭسەسىنىڭ مەڭگەرۋشىسى پەتر فەگليستال: شۆەتساريا بۇقاراسىنىڭ سان – گوتحارد تۋنەلى ينجەنەرياسىنا زور قولداۋ كورسەتكەنىنە راحىمەت ايتۋ ءۇشىن وسىلاي ىستەپ وتىرمىز، - دەدى.

　　كەلۋ قاينارى: حالىق تورابى