شىنجىن كەدەنى شەكارادان جاسىرىن ەنگىزىلگەن 20 توننا «شەتەل قوقسىعىن» تەكسەرىپ قولعا ءتۇسىردى

2016.06.03 15:08   كەلۋ قاينارى : حالىق تورابى

　　حالىق تورابى، 3 – ماۋسىم، بەيجيڭ. جاقىندا، شىنجىن كەدەنىنە قاراستى دافىڭ كەدەنى، شىنجىن يانتيان وتكەلى تەكسەرۋ – كاراتيندەۋ مەكەمەسى بىرلىكتە شىنجىن يانتيان وتكەلىندە يىمپورت ەتىلگەن قاتتى كەرەكسىز زات دەلوسىن انىقتاعان، دەلوعا قاتىستى قوقسىق 19.9 توننا بولىپ، 40 كەزدىك جۇك قورابىنا سالىنعان.

　　ۇعىسۋعا قاراعاندا، بۇل زات بەلگيادان جوتكەلىپ اكەلىنگەن، يىمپورت ەتىلگەندەگى تىزىمدەلگەن تاۆار اتى «العاشقى ءپىشىندى قايتالاي وڭدەلەتىن پولي پروپيلەن ءتۇيىرى» دەپ تىزىمدەلگەن، ءبىراق قىزمەتكەرلەر دوربانى اشقاننان كەيىن، ىشىنە سالىنعان زاتتىڭ قارا، اق، قىزىل، سارى قاتارلى كوپ رەڭدى جاپىراقشالار مەن تۇيىرشىك سۋلياۋ قوسپاسى ەكەنىن، زاتتىڭ تالقاندالىپ ارالاستىرىلعانىن بايقاعان.

　　يانتيان وتكەلى تەكسەرۋ – كاراتيندەۋ مەكەمەسى دەلوعا قاتىستى زاتقا تەكسەرۋ جۇرگىزۋ ارقىلى، العاشقى قادامدا بۇل زاتتىڭ كەرەكسىز سۋلياۋ ەكەنىن، وندىرىسكە ىستەتىلۋ بارىسىندا كوپتەگەن ۋلى زات، زياندى ۋلى گاز جانە قوقسىق ءبولىپ شىعاراتىنىن، يىمپورت ەتۋگە شەكتەۋ سالىنعان زات ەكەنىن مالىمدەگەن.

　　قازىر، كەدەن مەكەمەسى اتكەزشىلەردى ۇستاۋ ءبولىمى دەلو تۇرعىزىپ تەكسەرۋ جۇرگىزۋدە، دەلونى انىقتاپ بولعاننان كەيىن، دەلوعا قاتىستى زاتتاردى كاسىپتىك سەرىكتىككە تاپسىرىپ، زالالىسىز جولمەن ءبىرجاقتىلى ەتىلەدى.

　　كەلۋ قاينارى: حالىق تورابى