بوكسەر پاتشاسى مۇحاممەد ءالي دۇنيەدەن ءوتتى

2016.06.06 16:05   كەلۋ قاينارى : حالىق تورابى

　　حالىق تورابى، 6 – ماۋسىم، بەيجيڭ. دۇنيە جۇزىنە ايگىلى اۋىر سالماق بوكسەر پاتشاسى مۇحاممەد ءاليدىڭ وتباسىنداعىلار 4 – ماۋسىم كۇنى قارالى حابار جاريالاپ، مۇحاممەد ءاليدىڭ اۋرۋ سەبەبىنەن 74 جاسىندا قازا بولعانىن مالىمدەدى.

　　ءالي كەزىندە ماقتانىشتى تۇردە: «مەن ۇلى عانا ەمەسپىن، مەن ەكى جاقتىلى ۇلى اداممىن»،-دەگەن. راسىندا، ول تەك قانا قۇر اتاق ءۇشىن كۇرەسپەدى، ول ءوزىنىڭ سەنىمى ءۇشىن كۇرەستى، ول قارا ناسىلدىلەر ءۇشىن كۇرەستى، ول ادىلدىك پەن ادىلەت ءۇشىن كۇرەستى؛ سول سەبەپتى ول بوكسەر ساحناسىندا ايگىلى بولۋدان سىرت، ايگىلى قوعامدىق يگىلىكتى ىستەر ىستەگەن قايراتكەر.

　　ءاليدىڭ ومىرىنە ورالار بولساق، ونىڭ ءومىرى راسىندا ماقتانۋعا تاتيدى، ونىڭ ومىرىنەن ەسكە الۋعا تاتيتىن كەزدەر تولىپ جاتىر:

　　1942 – جىلى 17 – اقپاندا ءالي ا ق ش – تىڭ كەنتۋكي شتاتى لوۋيسۆيللە قالاسىندا دۇنيەگە كەلگەن، ول كەزدە ونىڭ اتى كاسسيۋس كلاي بولاتىن.

　　1954 – جىلى، 12 جاستاعى كلاي ءبىر كۇنى ءوزىنىڭ ەڭ جاقسى كورەتىن ۆەلوسيپەدىن ۇرى ۇرلاپ كەتكەنىن بايقاعان، اشۋعا بۋلىققان ول ساقشى مەكەمەسىنە مالىمدەگەن، ساقشى وعان «الدىمەن جاقسىلاپ بوكسەرگە جاتتىعۋىن» ايتقان. كلاي ىلە – شالا دەنە تاربيە سارايىنا بارىپ بوكسەر ۇيرەنگەن، ول بوكسەرگە سونشاما تەز جەتىلگەن. ءسويتىپ ۆەلوسيپەدىن ۇرلاعان ۇرى مەن ساقشىنىڭ جاۋاپكەرلىكتەن جالتارۋى ءاليدىڭ كەرەمەتكە تولى ومىرىنە جول اشقان.

　　1960 – جىلى تامىز ايىندا، ءالي ا ق ش اتىنان ريم وليمپياداسىنا قاتىناسىپ التىن مەدالمەن ورالعان. ءالى اۋباستا ءوزىنىڭ وليمپيادان التىن مەدال الۋى ا ق ش مەملەكەت ىشىندەگى ۇلتتىق كەمىستۋدى وزگەرتەدى دەپ ويلاعان، ءبىراق ءبىر كۇنى جاڭبىرلى تۇندە دوسىمەن بىرگە قوناقجايدا تاماقتانباقشى بولعاندا، قوناقجايعا كىرۋگە شەكتەۋ قويىلعان، ول ءوزىنىڭ وليمپيادا اعا جۇلدەگەرى ەكەنىن ايتسا دا، قوناقجاي يەسى جاعىنان تويتارىسقا ۇشىراعان. اشۋعا بۋلىققان ءالي التىن مەدالىن وحيو وزەنىنە لاقتىرىپ جىبەرگەن.

　　1960 – جىلى 29 – قازان كۇنى، ءالي ءوزىنىڭ ءبىرىنشى رەتكى كاسىپتىك بوكسەر جارىسىنا قاتىناسىپ، قارسىلاسىن جەر قاپتىرعان. 1964 – جىلى 25 – اقپاندا، 22 جاستاعى ءالي ميامي شتاتىندا ليستوندى باسەگە شاقىرىپ، اۋىر سالماق بوكىس پاتشاسىنا سايىس جاريالاعان، بۇل ءاليدىڭ تۇڭعىش رەت بوكسەر پاتشاسى جارىسىنا قاتىناسۋى ەدى. ناتيجەدە، ءالى جەتىنشى اينالىمدا تەحنيكالىق باسىمدىلىقپەن قارسىلاسىن جەر قاپتىرىپ، ءبىرىنشى رەت دۇنيە جۇزىلىك بوكسەر پاتشاسى بولدى.

　　1967 – جىلى، ا ق ش ارمياسى ەكى رەت ءاليدىڭ اسكەرگە قاتىناسۋىنا تويتارىس جاسادى، كەيىن كەلە ونىڭ اسكەرگە قاتىناسۋىنا تولىمدىلىعى بار ەكەنىن مويىندادى. ءبىراق ا ق ش – تىڭ سوعىس اشۋىنا قارسى تۇرۋشى رەتىندە، ءالي اسكەرگە قاتىناسۋدان باس تارتتى، سول سەبەپتى 5 جىلدىق مەرزىمدى قاماق جازاسىنا ۇكىم ەتىلدى ءارى 10 مىڭ دوللار اقشالاي ايىپ سالىندى، ا ق ش جەرگىلىكتى سوتى ونىڭ بوكسەر جارىسىنا قاتىناسۋ تولىمدىلىق كۋالىگىن قايتارىپ السا، الەمدىك بوكسەر قوعامى ونىڭ بوكسەر پاتشاسى التىن بەلبەۋىن تارتىپ الدى. ءبىراق ءالي ءبىر كۇندە دە قاماق جازاسىن وتەمەدى، ول العان بەتىنەن قايتپاي ارىزدانۋمەن بولدى، 1971 – جىلى ا ق ش ەڭ جوعارى سوتى ونىڭ قىلمىسسىز ەكەنىن مويىندادى، ءبىراق وسى ءۇشىن ونىڭ 3 جارىم جىلدىق كاسىپتىك ءومىرى زايا كەتتى.

　　1974 – جىلى 30 – قازان كۇنى، 32 جاستاعى ءالي بوكسەر ساحناسىنا قايتا ورالىپ، بوكسەر پاتشاسى فورمانعا سايىس جاريالاپ، بوكسەر پاتشاسى التىن بەلبەۋىن قايتارىپ الدى.

　　1978 – جىلى 15 – قىركۇيەك كۇنى، ءالي ەسەپتىك ءنومىر باسىمدىلىعىمەن سپينكستى جەڭىپ، ەڭ سوڭعى رەت بوكسەر پاتشاسى التىن بەلبەۋىنە يە بولدى.

　　1979 – جىلى ماۋسىم ايىندا، ءالى كاسىپتىك ساحنادان شەگىندى، ول كاسىپتىك ومىرىندە 22 رەت بوكسەر پاتشاسى بولدى.

　　1981 – جىلى، ءالىيدىڭ پاركينسونس ناۋقاسىنا شالدىققانى انىقتالدى، ءبىراق ول الەۋمەتتىك يگىلىك ىستەرىن جالعاستىرىپ، ادىلەت ءۇشىن جالعاستى كۇرەستى.

　　1996 – جىلى، اتلانتا وليمپياداسىنىڭ اشىلۋ سالتىندا، ءالى ارەكەت جاساۋدان قالعان بولسا دا، دىرىلدەگەن دارمەنسىز قوس قولىمەن الاۋدى اقىرىن عانا تۇتاندىرعان سول ساتتە، بۇكىل الەم ءالي ءۇشىن تەبىرەندى، ول مويىماس رۋحى مەن قوس جانارى ارقىلى ءالى دە ءوز تاعدىرىنىڭ قوجاسى ەكەنىن كورسەتتى.

　　1998 – جىلى، ءالي بىرىككەن مەملەكەتتەر ۇيىمى بەيبىتشىلىك ەلشىسى سيلىعىن ەنشىلەدى.

　　1999 – جىلى، حالىقارالىق دەنە تاربيە تىلشىلەر بىرلەستىگى جاعىنان سارالانعان «20 – عاسىرداعى 25 ەرەن ساڭلاق» قاتارىندا، ءالي ءبىرىنشى ورىندى يەلەدى.

　　2012 – جىلى لوندون وليمپياداسىنىڭ اشىلۋ سالتىنا قاتىناستى.

　　2016 – جىلى 4 – ماۋسىم كۇنى، ءالي اۋىر دارەجەدەگى تىنىس قابىنۋ سەبەبىنەن فوەنيكس قالاسىندا ەمحاناعا جەتكىزىلىپ، سەمياسىنداعىلارعا اۋر حالدە جاتقانى حاباردار بولىندى. سوڭىندا، ءالي اۋرۋ سەبەبىنەن كەرەمەتكە تولى بۇل ءومىرىن اياقتاتتى.

　　كەلۋ قاينارى: حالىق تورابى