بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

يراقتىڭ استاناسىندا جالعاستى تۋىلعان ەكى رەتكى لاڭكەستىك شابۋىلدا ءجۇز نەشە ادام قازا بولدى

2016.07.04 15:24   كەلۋ قاينارى : حالىق تورابى



  حالىق تورابى، 4 – شىلدە، بەيجيڭ. يراق ءمانساپتىسىنىڭ 3 – شىلدەدە مالىمدەۋىنشە، يراقتىڭ استاناسى باعداتتا تاڭعا جۋىق تۋىلعان ەكى رەتكى اۆتوموبيىلدى جارىلىس شابۋىلىندا كەمىندە 126 ادام قازا بولىپ، 147 ادام جارالانعان.

  اتى – ءجونىن مالىمدەگىسى كەلمەگەن يراق ىشكى ىستەر ءمانساپتىسى شينحۋا اگەنتتىگىنىڭ تىلشىسىنە بىلاي دەگەن: جانكەشتى پارتىلاتۋ شابۋىلىن تۋدىرۋشى 3 – شىلدە كۇنى تاڭعا جۋىق اۆتوكولىكپەن باعدات قالاسىنىڭ وڭتۇستىگىندەگى كارادا رايونىنا باسىپ كىرىپ، ىلە – شالا بومبانى پارتىلاتقان. كارادا رايونى باعدات قالاسىنداعى ماڭىزدى ساۋدا ورتالىعىنىڭ ءبىرى بولىپ، ورازا ايىندا بۇل اراعا ادامدار كوپ كەلەدى، بۇل رەتكى شابۋىلداۋ ۋاقيعاسىندا كەمىندە 125 ادام قازا بولىپ، 142 ادام جارالاندى. كوبى اۋىر جارالانعاندىقتان، قازا بولعانداردىڭ سانى ارتۋى مۇمكىن. سونىمەن قاتار باعداتتىڭ سولتۇستىگىندەگى بازاردا دا اۆتوموبيىلدى قوپارعىشپەن شابۋىلداۋ ۋاقيعاسى تۋىلىپ، كەمىندە ءبىر ادام قازا بولىپ، 5 ادام جارالاندى.

  ۇشقارى ۇيىم ــ «ءىسلام مەملەكەتى» ىلە – شالا، بۇل رەتكى شابۋىلعا جاۋاپتى ەكەنىن جاريالادى. يراق پرەزيدەنتى فوۋاد ماسوۋم 3 – شىلدە كۇنى مالىمدەمە جاريالاپ: «ءىسلام مەملەكەتى» فالۋجا قالاسىن قولدان بەرگەننەن كەيىن، لاڭكەستىك شابۋىل ارقىلى ءوش الۋدى كوزدەپ وتىر، ءبىز بارلىق قاجەتتى شارالاردى قولدانىپ، لاڭكەستەردىڭ كوزىن جويامىز.

  «ءىسلام مەملەكەتى» قازىر يراقتىڭ باتىسى مەن سولتۇستىگىندە كوپتەگەن اۋماقتى يەلەپ وتىر ءارى يراق ۇكىمەت ارمياسىمەن ولىسپەي بەرىسپەيتىن شايقاس جاساپ وتىر. يراق ۇكىمەتى الدىڭعى ايدا «ءىسلام مەملەكەتى» ەكى جىل يەمدەنگەن فالۋجا قالاسىن ءساتتى تۇردە قايتارىپ العانىن جاريالاعان بولاتىن، «ءىسلام مەملەكەتى» سول سەبەپتى جاقىنعى مەزگىلدەن بەرى ءوش الۋ ءۇشىن جالعاستى شابۋىل جاساۋدا.

  بىرىككەن مەملەكەتتەر ۇيىمىنىڭ يراققا كومەك بەرۋ توبىنىڭ ساناعىنا قاراعاندا، 2016 – جىلى ماۋسىم ايىنان قازىرگە دەيىن يراق شەكاراسىندا تۋىلعان زورلىقتى كۇش قاقتىعىسى مەن لاڭكەستىك شابۋىلىنان كەمىندە 662 ادام قازا بولىپ، 1457 ادام جارالانعان.

  كەلۋ قاينارى: حالىق تورابى

【1】 【2】 
جاۋاپتى رەداكتورى : مۇحيت امانتاي ۇلى

 سۋرەت