جاڭ گاۋلي مەن قازاقستاننىڭ پرەمەر – مينيسترىنىڭ ءبىرىنشى ورىنباسارى جۇڭگو – قازاقستان سەلبەستىك كوميتەتى ەكى جاق ءتوراعالىق كەڭەسىن وتكىزدى

2016.07.13 16:42   كەلۋ قاينارى : حالىق تورابى

　　حالىق تورابى، 13 – شىلدە، بەيجيڭ. جۇڭگو كوممۋنيستىك پارتياسى ورتالىق ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گاۋلي 12 – شىلدە كۇنى حالىق سارايىندا قازاقستان پرەمەر – مينيسترىنىڭ ءبىرىنشى ورىنباسارى ساعىنتايەۆپەن جۇڭگو – قازاقستان سەلبەستىك كوميتەتى ەكى جاق ءتوراعالىق كەڭەسىن وتكىزدى.

　　جاڭ گاۋلي بىلاي دەدى: جاقىنعى جىلداردان بەرى، جۇڭگو – قازاقستان جان – جاقتىلى ستراتەگيالىق سەرىكتەستىك قاتىناسى تەز دامىدى. ەكى مەملەكەتتىڭ باسشىلارى ءوزارا جيى پىكىر الماستىردى، ستراتەگيالىق جاقتاعى ءوزارا سەنىمدىلىك بارعان سايىن ارتتى، ءارقايسى سالاداعى سەلبەستىك ۇزدىكسىز تەرەڭدەدى. الدىڭعى ايدا، ءتوراعا شي جينپيڭ نازاربايەۆپەن تاشكەنتتە كەزدەسىپ، شىنايى سىرلاسىپ، ەكى جاقتىڭ قاتىناسىن دامىتۋ مەن ءارقايسى سالاداعى سەلبەستىكتى تەرەڭدەتۋ ءۇشىن كوپتەگەن جاڭا ماڭىزدى ورتاق تانىمعا كەلدى. جۇڭگو جاق قازاقستان جاقپەن بىرلىكتە قۇلشىنىس جاساپ، ەكى ەل قاتىناسىن ۇزدىكسىز دامىتىپ، ەكى مەملەكەت پەن ەكى ەل حالقىنا باقىت جاراتۋدى قالايدى.

　　جاڭ گاۋلي تاعى بىلاي دەدى: ەكى ەلدىڭ دامۋ ستراتەگياسىنىڭ توعىسۋىن تەزدەتىپ، بىرلىكتە جىبەك جولى ەكونوميكا بەلدەۋىن قۇرۋدى ىلگەرلەتۋ كەرەك؛ تاباندى تۇردە وندىرىستىك دامۋ جاعىنداعى سەلبەستىكتى ىلگەرلەتىپ، قارجى قوسۋ مەن قاتىستى جاقتاعى ماسەلەلەردى تەزدەن شەشۋ كەرەك؛ ءوزارا قارجى قوسۋ پارمەنىن قولداۋ مەن قورعاۋدى كۇشەيتىپ، تىرىسشاڭدىلىقپەن ەڭ جاقسى ناتيجەگە قول جەتكىزۋ كەرەك؛ قازىرگى بار مەحانيزىمدەردى ساۋلەلەندىرە وتىرىپ، سايكەستىرۋ رولىنان پايدالانا وتىرىپ، نىسان، قارجى جانە قىزمەتكەرلەردىڭ ۆيزا ماسەلەسىن شەشىپ، اۋىل شارۋاشىلىق، اۋىل شارۋاشىلىق ونىمدەرى جانە مادەنيەت، ساياحات قاتارلى جاقتارداعى سەلبەستىكتى كۇشەيتىپ، ەكى ەل حالقىنىڭ سەنىمدىلىگى مەن دوستىعىن نىعايتۋ كەرەك.

　　ساعىنتايەۆ بىلاي دەدى: قازاقستان جاق جۇڭگومەن بولعان قاتىناسىن دامىتۋعا ەرەكشە نازار اۋدارادى، قازاقستان «نۇرلى جول» جاڭا ەكونوميكالىق ساياساتى مەن جىبەك جولى ەكونوميكالىق بەلدەۋى قۇرىلىسىن سايكەستىرىپ، ەكى ەلدىڭ ءارقايسى سالاداعى سەلبەستىگىن كەڭەيتىپ جانە ونان ارى تەرەڭدەتىپ، قازاقستان – جۇڭگو قاتىناسىنىڭ جاڭا ءبىر بەتىن اشۋدى قالايدى.

　　ەكى جاق جۇڭگو – قازاقستان سەلبەستىك كوميتەتى ءماجىلىسىنىڭ 7 – كەزەكتى جينالىسىنان بەرگى قىزمەت جاعدايىن قورىتىندىلاي كەلىپ، ەكى ەلدىڭ ءوندىرىس، ەنەرگيا، فينانس جانە قارجى، ساۋدا، اۋىل شارۋاشىلىق، مادەنيەت سالاسىنداعى سەلبەستىگى تۋرالى كەڭەس وتكىزدى.

　　كەلۋ قاينارى: حالىق تورابى