جۇڭگو مەن رەسەيدىڭ لاڭكەستىككە قارسى «سەلبەستىك - 2016» اتتى بىرلەسپە جاتتىعۋى ءساتتى اياقتالدى

2016.07.15 16:08   كەلۋ قاينارى : حالىق تورابى

　　حالىق تورابى، 15 – شىلدە، بەيجيڭ. جەرگىلىكتى ۋاقىت 14 – شىلدە تۇستەن بۇرىن، جۇڭگو مەن رەسەيدىڭ لاڭكەستىككە قارسى «سەلبەستىك - 2016» اتتى بىرلەسپە جاتتىعۋىنىڭ ءارقايسى مازمۇندارى رەسەي ۇلتتىق كۆاردياسى دەربەس شايقاس جاساۋ ديۆيزياسىنىڭ جاتتىعۋ ورتالىعىندا ءساتتى اياقتالدى.

　　بىرلەسپە جاتتىعۋ باس قولباسشىلىق شتابىنىڭ باس قولباسشىسى، رەسەي ۇلتتىق كۆاردياسىنىڭ شتاپ باستىعىنىڭ ورىنباسارى كوچيوۆ لەيتەنانتتىڭ تانىستىرۋىنشا، بۇل رەتكى لاڭكەستىككە قارسى بىرلەسپە جاتتىعۋ ەكى رايوندا جۇرگىزىلىپ، 400 نەشە كيلومەترلىك اۋە كەڭىستىگىندە جىلجىمالى شايقاس جاساۋ، قورشاپ شايقاسۋ، تاكتيكالى اتىس، تىك ۇشاقپەن ىزدەستىرۋ، تەزدەن شەگىنۋ، عيماراتقا ورمەلەۋ جانە قوسىندار بويىنشا تاكتيكالى جالپىلىق جاتتىعۋ قاتارلى مازمۇنداردى قامتىپ، جاتتىعۋعا قاتىناسقان ەكى جاقتىڭ اسكەرلەرى تىعىز سايكەسىپ، جاپالى جاتتىعۋ جاساپ، تەحنيكالىق جاقتا كەڭەسىپ، تاماشا رۋحاني بەينەلەرىن تانىتىپ، ەرىك – جىگەر مەن جوعارى دارەجەلى تاكتيكا ورەلەرىن كورسەتىپ، جاتتىعۋ ناتيجەسى ويلاعان مەجەگە جەتكەن.

　　كەلۋ قاينارى: حالىق تورابى