يدەيانى ازات ەتىپ، شىنايى يگەرىپ، شىنايى ىستەپ، ەكپىندەي العا باسىپ، بۇكىل ەلمەن قاتار جاپپاي دوڭگەلەك داۋلەتتى قوعام قۇرۋعا كەپىلدىك ەتۋ كەرەك

2016.07.21 13:51   كەلۋ قاينارى : حالىق تورابى

　　«حالىق گازەتى»، 20 – شىلدە، يىنچۋان. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا نيڭشيادا قىزمەت تەكسەرگەندە مىنالاردى دارىپتەدى: 2020 – جىلعا دەيىن جاپپاي دوڭگەلەك داۋلەتتى قوعام قۇرۋ جولىندا ەشقانداي ءبىر ءوڭىردى، ەشقانداي ءبىر ۇلتتى قاتاردان قالدىرۋعا بولمايدى. پارتيا ورتالىق كوميتەتىنىڭ شەشىم – ورنالاستىرۋىن مۇقيات تياناقتاندىرىپ، جاڭا دامۋ يدەياسىن دايەكتىلەندىرىپ، مەملەكەتتىڭ دامۋ ستراتەگياسىنا ىرىقتىلىقپەن ات سالىسىپ، يدەيانى اناعۇرلىم ازات ەتىپ، شىنايى يگەرىپ، شىنايى ىستەپ، ەكپىندەي العا باسىپ، ەكونوميكانىڭ گۇلدەنۋىن، ۇلتتاردىڭ ىنتىماقتاسۋىن، قورشاعان ورتانىڭ كوركەيۋىن، حالىقتىڭ اۋقاتتانۋىن قۇلشىنا ىسكە اسىرىپ، بۇكىل ەلمەن قاتار جاپپاي دوڭگەلەك داۋلەتتى قوعام قۇرۋعا كەپىلدىك ەتۋ كەرەك.

　　شي جينپيڭ 18 – شىلدەدەن 20 – شىلدەگە دەيىن نيڭشيا حۇيزۋ اۆتونوميالى رايوندىق پارتكومنىڭ شۋجيى لي جيانحۋانىڭ، اۆتونوميالى رايوننىڭ ۋاقىتتىق ءتوراعاسى شيان حۇيىدڭ سەرىك بولۋىمەن گۋيۋان، يىنچۋان قاتارلى جەرلەردە اۋىل – قىستاق پەن كاسىپورىنداردى جانە توڭكەرىستىك ءداستۇر تاربيە بازالارىن ارالاپ، «13 – بەسجىلدىق» جوسپاردى تياناقتاندىرۋ، ەكونوميكالىق، قوعامدىق دامۋدى ىلگەرىلەتۋ، كەدەيلىكتەن قۇتىلدىرۋدان قامال الۋ قىزمەتىن جەبەۋ جونىندە تەكسەرۋ – زەرتتەۋ جۇرگىزدى.

　　كەلۋ قاينارى: حالىق تورابى