شينجياڭ بويىنشا جاستار مەن ورەندەردىڭ ەركىن كۇرەس جارىسى بۋرىلتوعايدا وتكىزىلدى

2016.07.26 14:15   كەلۋ قاينارى : حالىق تورابى

　　حالىق تورابى، 26 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايونى بويىنشا جاستار مەن ورەندەردىڭ ەركىن كۇرەس جارىسى 23 – شىلدە كۇنى بۋرىلتوعاي اۋدانىنداعى جاستار مەن ورەندەر قيمىل ورتالىعىندا وتكىزىلدى.

　　بۇل رەتكى جارىستى اۆتونوميالى رايوندىق دەنە تاربيە مەكەمەسى ۇيىمداستىرىپ، بۋرىلتوعاي اۋداندىق حالىق ۇكىمەتى وتكىزگەن، اۆتونوميالى رايوندىق زىلتەمىرشىلەر، بالۋاندار، دزيۋ – دوشىلار سپورت قوعامى مەن بۋرىلتوعاي اۋداندىق مادەنيەت – دەنە تاربيە مەكەمەسى سايكەسىپ وتكىزگەن، ىلە وبلىسى، ءۇرىمجى قالاسى، اقسۋ ايماعى، تۇرپان قالاسى قاتارلى 14 ايماق، وبلىس، قالادان 361 سپورتشى قاتىناستى، جارىستىڭ «داياشىسى» رەتىندە التاي ايماعى 30 سپورتشىنى جارىسقا قاتىناستىردى.

　　جارىس 23 – شىلدەدەن 27 – شىلدەگە دەيىن 5 كۇن وتكىزىلەدى، جارىسقا قاتىناساتىن جاسى ەڭ كىشى بالۋان 10 جاستا، ەڭ ۇلكەنى 18 جاستا. ءۇش گرۋپپاعا ءبولىنىپ، ۇلدار 28 ءتۇرلى سالماق بويىنشا، قىزدار 16 ءتۇرلى سالماق بويىنشا جارىسقا قاتىناستىرىلادى.

　　كەلۋ قاينارى: حالىق تورابى