ءتورت ەلدىڭ مۋزيكا تالانتتىلارى ەكىنشى كەزەكتى قاناس جىبەك جولى مۋزيكا فەستيۆالىن بيىك ورەگە كوتەردى

قاناستا حالىقارالىق مۋزيكا سالتاناتى وتكىزىلدى

2016.08.08 14:41   كەلۋ قاينارى : حالىق تورابى

　　حالىق تورابى، 8 – تامىز، بەيجيڭ. 6 – تامىز كۇنى جەر شارىنىڭ ارعى بەتىندە ريو وليمپياداسىنىڭ باستالۋى الەم نازارىن اۋدارسا، جەر شارىنىڭ ەندى ءبىر شەتىندەگى جۇڭگونىڭ قاناس وڭىرىندە جۇڭگو، رەسەي، قازاقستان، موڭعۇليا تالانتتىلارى حالىقارالىق مۋزيكا فەستيۆالىنىڭ سالتاناتىن اسىرىپ، ون مىڭنان استام كورەرمەندى باۋرادى.

　　2 – كەزەكتى قاناس جىبەك جولى مۋزيكا فەستيۆالىنىڭ ساحناسى قاناس كورىنىس رايونىنداعى جالدىڭ ءۇيى دەگەن جەرگە ورنالاستىرىلعان، جايلاۋدىڭ جازعى جاڭبىرىنان سوڭ، باتار كۇننىڭ شاپاعىمەن جارىسا مۋزيكا فەستيۆالى باستالدى، ساحناداعى 3 ءىرى LED ەكرانىنان وسى رەتكى فەستيۆالدىڭ ۇگىت فيلىمى قويىلدى. مەملەكەتتىڭ جىبەك جولى ەكونوميكالىق بەلدەۋى سىندى ستراتەگيالىق ورنالاستىرۋىنا وراي، التاي ايماعى وڭىرلىك ەرەكشەلىگىنەن پايدالانىپ، شەكارا اتتاپ ساياحاتتاۋ سەلبەستىك ءوڭىرىن قۇردى، جىبەك جولى بويىنداعى ەلدەردىڭ مۋزيكا تالانتتىلارى جيىلعان وسىنداي مۋزيكا سالتاناتىن ۇيىمداستىرۋ جەرگىلىكتى ورىننىڭ دامۋ قاجەتىنە دە ۇيلەسەدى.

　　كەلۋ قاينارى: حالىق تورابى