ريو وليمپياداسى «حالىق كيەلى الاۋ مىنبەسىن» قۇردى

2016.08.08 15:59   كەلۋ قاينارى : حالىق تورابى

　　حالىق تورابى، 8 – تامىز، بەيجيڭ. 5 – تامىز كەشتە برازيليا مارافون ساڭلاعى ۆان دە ليما ماراكانا دەنە تاربيە سارايىندا وليمپيادا الاۋىن تۇتاندىرعاننان جارىم ساعاتتان كەيىن، ريو قالا ورتالىعىنداعى شىركەۋدىڭ قارسى جاعىنداعى وليمپيادا كوشەسىندە، 14 جاستاعى ۇل بالا جورج گومەس «حالىق كيەلى الاۋ مىنبەسىن» تۇتاندىردى، وليمپيادا كەزىندە بۇقارا مەن ساياحاتشىلار وسى اراعا كەلىپ بۇل الاۋمەن سۋرەتكە ءتۇسىپ ەستەلىك قالدىرۋىنا بولادى.

　　ريو وليمپيادا كوميتەتىنىڭ مالىمدەمەشىسى اندرادا بىلاي دەدى: بۇل وليمپيادا تاريحىندا تۇڭعىش رەت ەكى الاۋ مىنبەسىنىڭ اشىلۋى، الاۋ مىنبەسى جارىس الاڭىنىڭ ىشىندە ەمەس، سەبەبى بۇل كەزەكتى وليمپيادانىڭ اشىلۋ سالتى مەن جابىلۋ سالتى ماراكانا دەنە تاربيە سارايىندا وتكىزىلەدى، ال وليمپيادانىڭ نەگىزگى جارىس رايونى ريو قالاسىنىڭ باتىسىنداعى باحا رايونىندا، نەگىزگى الاۋ مىنبەسىن قالا ورتالىعىنا قويساق، ءتىپتى دە كوپ جۇرتشىلىق بۇل ارادان الاۋ مىنبەسىن كورە الادى.

　　كەلۋ قاينارى: حالىق تورابى