شىنجىننان اۋمىنعا بارعان ساياحاتشىلار ۇيىرمەسىنىڭ شىرعالاڭعا ۇشىراۋى بارىسىندا جارالانعانداردىڭ سانى 32گە جەتتى

وقيعاعا قاتىستى شوفەر ۇستالدى

2016.08.09 14:27   كەلۋ قاينارى : حالىق تورابى

　　حالىق تورابى، 9 – تامىز، بەيجيڭ. 8 – تامىز كەشتە، اۋمىن ەرەكشە اكىمشىلىك رايونى ۇكىمەتىنىڭ مالىمدەمەشىسى سول كۇنگى ساياحاتشىلار اۆتوبوزى قاتىناس شىرعالاڭىنا ۇشىراپ، كوپ ادام جارالانعاندىعى جونىندە تىلشىلەر جينالىسىن اشتى. ۇعىسۋعا قاراعاندا، ساياحاتشىلار اۆتوبوزىن جۇرگىزۋشى شوفەر اۋمىن تۇرعىنى بولىپ، قاتەرلى تۇردە كولىك جۇرگىزگەنى سەبەپتى ساقشى جاعىنان ۇستالعان.

　　اۋمىن دەنساۋلىق ساقتاۋ مەكەمەسى اتالعان ۋاقيعادا جارالانعانداردىڭ سانى 32گە جەتكەنىن، مۇنىڭ ىشىندە 3 ايەلدىڭ جاراقاتىنىڭ اۋىر ەكەنىن، باسى جارىلعان 46 جاستاعى ايەلدىڭ وپەراتسيادان كەيىن ءالى دە ەسىن جيماعانىن، قازىرشە ءالى دە حاۋىپتى جاعدايدا جاتقانىن مالىمدەگەن. بۇدان سىرت، ۋاقيعادا 5 ادام ورتاشا دارەجەدە جارالانعانىن، 13 ادام ەمدەلىپ جاتقانىن، 11 ادامنىڭ ەمحانادان شىققانىن مالىمدەگەن.

　　كەلۋ قاينارى: حالىق تورابى