تۇركيادا تۋىلعان ەكى رەتكى جارىلىستا 12 ادام قازا بولدى

2016.08.19 14:38   كەلۋ قاينارى : حالىق تورابى

　　حالىق گازەتى، 18 – تامىز، كاير. انكارادان الىنعان حابار: تۇركيا داۋان اگەنتتىگىنىڭ حابارلاۋىنشا، تۇركيانىڭ ەلازيگ قالاسىنىڭ ورتالىعىنداعى ساقشى مەكەمەسىنىڭ ماڭىندا 18 – تامىز كۇنى تۇستەن بۇرىن جارىلىس تۋىلىپ، قازىرگە دەيىن 9 ادام قازا بولىپ، 200دەن استام ادام جارالاندى، جارىلىستى كۋرد جۇمىسشىلارى پارتياسىنىڭ قارۋلىلارى اۆتوكولىككە قويعان بومبا ارقىلى تۋدىرعان. جەرگىلىكتى تۇرعىندار جارىلىستان كەيىن كوپ رەت اتىلعان وق داۋىسىن ەستىگەن. ساقشى مەكەمەسىنىڭ جاتاعى قاتارلى قۇرىلىستار اۋىر بۇلىنگەن.

　　تاعى ءبىر حابارعا قاراعاندا، 17 – تامىز كۇنى كەشتە كۋرد جۇمىسشىلارى پارتياسىنىڭ ادامدارى تۇركيانىڭ ۆان قالاسىنداعى ساقشى مەكەمەسىنىڭ باس شتابى ماڭىندا اۆتوكولىككە ورنالاستىرىلعان بومبانى پارتىلاتقان ءارى ساقشى مەكەمەسىنە وق جاۋدىرعان. ءبىر ساقشىنى قامتىعان 3 ادام قازا بولىپ، 73 ادام جارالانعان. جارىلىستا ماڭايداعى قۇرىلىستاردىڭ تەرەزە اينەكتەرى ءبۇلىنىپ، بومبا ورنالاستىرىلعان اۆتوكولىكتىڭ سىنىقتارى نەشە ءجۇز مەتر جەرگە دەيىن شاشىراپ كەتكەن. جارىلىس تۋىلعاننان كەيىن قۇتقارۋ ماشينالارى مەن ساقشى ماشينالارى وقيعا تۋىلعان جەرگە دەرەۋ جەتكەن، قازىر جارالانعاندار ەمحاناعا جەتكىزىلىپ ەمدەلۋدە، جارىلىس تۋدىرۋشىلاردى تۇتقىنداۋ ارەكەتى ورىستەتىلۋدە.

　　كەلۋ قاينارى: حالىق تورابى