شي جينپيڭ: اشۋدى شەكتەۋ دامۋعا تۇساۋ بولمايدى، قايتا وعان پايدالى

2016.08.24 16:17   كەلۋ قاينارى : حالىق تورابى

　　شينحۋا تورابى، 23 – تامىز، بەيجيڭ. باس شۋجي شي جينپيڭ 23 – تامىز تۇستەن بۇرىن حايدۇڭ قالاسى حۋجۋ تۋزۋ اۆتونوميالى اۋدانى ۋشى قالاشىعى بانيان قىستاعىنا بارىپ، كەدەيلەردى كوشىرىپ سۇيەمەلدەۋ جاڭا قىستاعى قۇرىلىسىنىڭ احۋالىن كوزدەن كەشىردى. 23 – تامىز تۇستەن كەيىن شي جينپيڭ چيڭحاي ولكەسىنىڭ ەكولوگيالىق ورتانى باقىلاپ – ولشەۋ ورتالىعىنا كەلىپ، كامەرامەن الىستان بايقاۋ جۇيەسى ارقىلى بىرنەشە ءجۇز كيلومەتر قاشىقتىقتاعى ءۇش وزەن قاينارى ءوڭىرىنىڭ ەكولوگياسىن قورعاۋ جاعدايىنا كوز جىبەردى. حۋاڭحى وزەنىنىڭ قاينارى وڭىرىندەگى ىليڭ كولى، زاليڭ كولى، اڭساي لانساڭجياڭ اڭعارى ءبىرىنشى شەبىندەگى ەكولوگيالىق ورتانى قورعاۋشىلارمەن جانە نەگىزگى ساتى كادرلارىمەن تەلەكامەرا ارقىلى سويلەسكەندە، شي جينپيڭ ەكولوگيا سيلىق، قوسىمشا قاراجاتىنىڭ تاراتىلۋى، ەكولوگيالىق ورتانى قورعاۋشىلاردىڭ سەپتەلۋى، بارىس قاتارلى جابايى حايۋاناتتاردىڭ قورعالۋى سياقتى جاعدايلاردى مۇقيات ۇعىستى ءارى ءۇش وزەن قاينارى وڭىرىندەگى ءار ۇلت بۇقاراسىنىڭ تۇرمىسىنىڭ باي – باقىتتى بولۋىن تىلەدى. شي جينپيڭ مىنانى اتاپ كورسەتتى: «جۇڭحۋا سۋ مۇناراسى» ــ مەملەكەتتىڭ تىرشىلىك قاينارى، ءۇش وزەن قاينارىن جاقسى قورعاۋ جۇڭحۋا ۇلتتارىنىڭ دامۋىندا توتەنشە ماڭىزدى. چيڭحاي ولكەسى مەملەكەتتىڭ ەكولوگياسىن قورعاۋدا ماڭىزدى بورىش ارقالاپ وتىر. اماليات ءۇش وزەن قاينارى وڭىرىندە اشۋدى شەكتەۋدىڭ نەمەسە وعان تيىم سالۋدىڭ دامۋعا تۇساۋ بولمايتىنىن، قايتا وعان پايدالى ەكەنىن دالەلدەدى. شي جينپيڭ ەكولوگيالىق ورتانى قورعاۋشىلاردىڭ بورىشتارىن مۇقيات اتقارىپ، قورعاۋ مىندەتىن ادا ەتۋىن، ءار دارەجەلى پارتكوم مەن ۇكىمەتتىڭ مەملەكەت باقشاسى ءتۇزىلىسىن تۇيىندە سىناق ەتۋ جاعىندا ىزدەنىس جاساپ جانە ونى كەمەلدەندىرىپ، ءۇش وزەن قاينارى ءوڭىرىنىڭ ەكولوگيالىق ورتاسىن شىنايى قورعاۋىن ءۇمىت ەتتى.

　　كەلۋ قاينارى: حالىق تورابى