تۇركيا مەن حالىقارالىق وداق قوسىنى سيريانىڭ سولتۇستىك بولەگىندەگى «يسلام مەملەكەتىنە» سوققى بەردى

2016.08.25 14:14   كەلۋ قاينارى : حالىق تورابى

　　حالىق تورابى، 25-تامىز، بەيجيڭ. تۇركيا قوسىنى جانە ا ق ش باس بولعان، ۇشقارى ۇيىم ــ «يسلام مەملەكەتىنە» سوققى بەرەتىن حالىقارالىق وداق قوسىنى 24-تامىز كۇنى سيريانىڭ سولتۇستىگىندەگى شەكارا قالاشىعى جەلابورۋستا بىرلەسكەن اسكەري ارەكەت جۇرگىزىپ، اتالعان رايونداعى «يسلام مەملەكەتى» قارۋلى ەلەمەنتتەرىن الاستادى.

　　تۇركيا NTV تەلەۆيزياسىنىڭ حابارلاۋىنشا، بۇل رەتكى اسكەري ارەكەت جەرگىلىكتى ۋاقىت 24 - تامىز كۇنى تاڭعى ساعات 4تە باستالعان، تۇركيانىڭ زەڭبىرەكشىلەر قوسىنى ەكى ساعات ىشىندە «يسلام مەملەكەتىنىڭ» 63 نىساناسىن زەڭبىرەكپەن اتقىلاعان، ىلە - شالا تۇركيا ارمياسى مەن حالىقارالىق وداق قوسىنى سوعىس ۇشاعىن شىعارىپ، نىسانا العان جەرلەرگە اۋەدەن شابۋىلداعان.

　　جەرگىلىكتى اقپارات قۇرالدارىنىڭ حابارلاۋىنشا، تۇركيانىڭ تانكەمەن قارۋلانعان قوسىنى 24 - تامىزدا تۇركيا - سيريا شەكاراسىنان ءوتىپ، جەلابورۋس رايونىنا كىرگەن. بۇل رەتكى اسكەري ارەكەتتەن بىرنەشە ساعات بۇرىن، تۇركيانىڭ شەكارا قالاشىعى كالكامەرسەدو سيريادان اتىلعان زەڭبىرەكتىڭ شابۋىلىنا ۇشىراپ، جەرگىلىكتى بۇقارا امالسىز قالادان شەگىنگەن.

　　جاقىننان بەرى تۇركيانىڭ حاۋىپسىزدىك جاعدايى قيىنداي ءتۇستى. تۇركيا سىرتقى ىستەر مينيسترى چاۋسوعۇلى 22 - تامىز كۇنى مەديالارعا، تۇركيا ۇكىمەتى سيريانىڭ سولتۇستىگىندەگى ۇشقارى ۇيىم نىسانالارىنا بار كۇشپەن سوققى بەرىپ، تۇركيا - سيريا شەكاراسىنداعى لاڭكەستەردى الاستاپ، ەل ءىشىنىڭ حاۋىپسزدىك جاعدايىنا كەپىلدىك ەتەتىنىن قايتالاي اتاپ كورسەتتى.

　　كەلۋ قاينارى: حالىق تورابى