شي جينپيڭ قازاقستاننىڭ پرەزيدەنتى نازاربايەۆپەن كەڭەس وتكىزدى

2016.09.04 11:18   كەلۋ قاينارى : حالىق تورابى

　　حالىق تورابى، 4 – قىركۇيەك، بەيجيڭ. مەملەكەت ءتوراعاسى شي جينپيڭ 2 - قىركۇيەكتە حاڭجوۋ قالاسىندا قازاقستان پرەزيدەنتى نازاربايەۆپەن كەڭەس وتكىزدى ءارى ونىڭ جۇڭگونىڭ ۇسىنىسىمەن حاڭجوۋدا وتكىزىلەتىن 20 ەل توبى باسشىلارىنىڭ ماجىلىسىنە كەلگەندىگىن قارسى الدى.

　　شي جينپيڭ: كەزەكتە جۇڭگو مەن قازاقستان قاتىناسى تەز قارقىنمەن دامۋداي تەبىندى جاعداي بايقاتۋدا، ءار سالاداعى سەلبەستىك جالپى بەتتىك ىلگەرىلەپ، ناتيجەلەر ارت - ارتىنان كورىلە باستادى. ەكى جاق كەلەر جىلعى جۇڭگو مەن قازاقستاننىڭ ديپلوماتيالىق قاتىناس ورناتقاندىعىنىڭ 25 جىلدىعى ورايىندا تاتۋ كورشىلىك قاتىناستى اناعۇرلىم ساۋلەلەندىرىپ، ءوزارا تيىمدىلىك جەتكىزەتىن سەلبەستىكتى تەرەڭدەتىپ، ستراتەگيالىق سايكەسۋدى كۇشەيتىپ، شىنايى دا سەنىمدى، بەرەكەلى دە باۋىرمال، ىستىق پەن سۋىقتى بىرگە كورەتىن، سەلبەسىپ تەڭ يگىلىكتەنەتىن جۇڭگو - قازاقستان جان - جاقتىلى ستراتەگيالىق سەرىكتەستىك قاتىناسىن بىرلىكتە ورناتۋىمىز كەرەك دەپ اتاپ كورسەتتى.

　　نازاربايەۆ: جۇڭگونىڭ 20 ەل توبى باسشىلارىنىڭ باس قوسۋىنا ۇسىنىس ەتكەندىگىنە العىس ايتامىن دەي كەلىپ، قازاقستان جۇڭگومەن ءداستۇرلى دوستىق پەن وسكەلەڭ ساياسي سەنىمدىلىكتى ساقتاپ كەلەدى. قازاقستان ەكى ەلدىڭ جان - جاقتىلى ستراتەگيالىق سەرىكتەستىك قاتىناسىن قاستەرلەپ، «جىبەك جولى ەكونوميكالىق بەلدەۋى» قۇرىلىسى مەن «نۇرلى جول» جاڭا ەكونوميكالىق ساياساتىنىڭ توعىسۋىن قولدايدى. قازاقستان جۇڭگومەن ساۋدا، اۋىل شارۋاشىلىعى، ەنەرگيا، مۇناي ايىرۋ، ورتانى قورعاۋ، حاۋىپسىزدىك سياقتى سالالاردا سەلبەستىكتى تەرەڭدەتىپ، حالىقارالىق، وڭىرلىك ىستەردە، شاڭحاي ىنتىماقتاستىق ۇيىمى اياسىندا ٴجيى ٴءتىل تابىسىپ، سەلبەستىك ورناتادى. قازاقستان جۇڭگونىڭ حاڭجوۋداعى 20 ەل توبى باسشىلارىنىڭ ءماجىلىسىن ٴساتتى وتكىزىپ، حالىقارالىق قوعامدى كەزەكتەگى الەم ەكونوميكاسى تاپ بولعان سىناققا بىرلىكتە توتەپ بەرۋگە باستاۋىن قولدايدى دەدى.

　　كەلۋ قاينارى: حالىق تورابى