لي كىچياڭ وزبەكستاننىڭ جۇڭگودا تۇراتىن ەلشىحاناسىنا بارىپ، پرەزيدەنت كاريموۆتىڭ قازاسىنا كوڭىل ايتتى

2016.09.05 16:10   كەلۋ قاينارى : حالىق تورابى

　　حالىق تورابى، 5 – قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭ وزبەكستاننىڭ جۇڭگودا تۇراتىن ەلشىحاناسىنا بارىپ، پرەزيدەنت كاريموۆتىڭ قازاسىنا كوڭىل ايتتى. لي كىچياڭ كوڭىل ايتۋ ءسوزىن جازىپ، پرەزيدەنت كاريموۆدىڭ قازاسىنا ازا ءبىلدىردى.

　　لي كىچياڭ كوڭىل ايتۋعا بىرگە قاتىناسقان وزبەكستاننىڭ جۇڭگودا تۇراتىن ەلشىسى قۇربانوۆقا بىلاي دەدى: ءتوراعا شي جينپيڭ پرەزيدەنت كاريموۆدىڭ قازاسىنا قاتىستى اتالعان مەملەكەتتىڭ باسشىلارىنا ارنايى ازا ءبىلدىرۋ تەلەگرامماسىن جولدادى. كاريموۆ جۇڭگو حالقىنىڭ ەجەلگى دوسى، جۇڭگو مەن وزبەكستان قاتىناسىنىڭ دامۋىنا زور ۇلەس قوستى. ونىڭ قازا بولۋى وزبەكستان حالقىنىڭ عانا قايعىسى بولىپ قالماستان، جۇڭگو حالقىنىڭ دا ناعىز ادال دوسىنان ايىرىلۋى بولماق. جۇڭگو ۇكىمەتى مەن حالقى ونىڭ قازاسىنا قاتتى قايعىرادى. جۇڭگو جاق وزبەكستان جاقپەن بىرلىكتە جالعاستى قۇلشىنىس جاساپ، ەكى ەلدىڭ جان – جاقتىلى ستراتەگيالىق سەرىكتەستىك قاتىناسىنىڭ جالعاستى ورنىقتى دامۋىن قالايدى.

　　قۇربانوۆ لي كىچياڭنىڭ جۇڭگو ۇكىمەتىنە ۋاكىل بولىپ، پرەزيدەنت كاريموۆتىڭ قازاسىنا كوڭىل ايتقانىنا العىس بىلدىرەتىنىن، جۇڭگو جاقتىڭ وزبەكستاندى شىنايى قولدايتىنىنا شەكسىز العىس ايتاتىنىن، وزبەكستان جاقتىڭ جۇڭگومەن بىرلىكتە ەكى ەلدىڭ جان – جاقتىلى ستراتەگيالىق سەرىكتەستىك قاتىناسىنىڭ جالعاستى ورنىقتى دامۋىن قالايتىنىن ءبىلدىردى.

　　كەلۋ قاينارى: حالىق تورابى