التايدا ۇلتتىق ەرەكشەلىككە يە تاۋارلار جارمەڭكەسى وتكىزىلدى

2016.09.09 15:20   كەلۋ قاينارى : حالىق تورابى

　　حالىق تورابى، 9 – قىركۇيەك، بەيجيڭ. التاي اقپارات تورابىنىڭ حابارلاۋىنشا، التاي ايماقتىق 4 – كەزەكتى ۇلتتىق ەرەكشەلىككە يە تاۋارلار جارمەڭكەسى اشىلىپ، 7 – قىركۇيەك كۇنى ىسمەرلەردىڭ كەستە تىگۋ جارىسى وتكىزىلدى، ءارقايسى اۋدانداردان (قالا) كەلگەن 60تان استام ىسمەر جارىسقا قاتىناستى.

　　بۇل رەت جيىنى 80 دانا قولونەر بۇيىمى جارىسقا قاتىناستىرىلدى، ەڭ سوڭىندا كوكتوعاي اۋدانىنان كەلگەن كۇمىستىڭ «قىز قۋار» اتتى كەستەسى، التاي قالاسىنان كەلگەن جامالدىڭ «قىزعالداق» اتتى ىلمەك ءبىز كەستەسى، بۋىرشىن اۋدانىنان كەلگەن ايدىنگۇلدىڭ «قاناس» اتتى كەستەسى جارىستا ءبىرىنشى ورىنعا يە بولدى.

　　ۇعىسۋعا قاراعاندا، بيىل مامىردان باستاپ ايماقتىق ايەلدەر بىرلەستىگى ون مىڭ ايەلدىڭ ىسكەرلىك جارىسىن وتكىزگەننەن بەرى، ءارقايسى اۋدان، اۋىل، قىستاقتارداعى ءۇش دارەجەلى ايەلدەر بىرلەستىگى 209 رەت باسەكە وتكىزۋگە ۇيىمداستىرعان، بۇل جارىستارعا ايەلدەر قاۋىمىنان 10553 ادام – رەت قاتىناسقان، وسىلايشا، ايەلدەردىڭ ساپالىق ورەسىن ونان ارى جوعارىلاتىپ، «سۇلۋلىق ينجەنەرياسىنا» جەبەۋ بولعان.

　　كەلۋ قاينارى: حالىق تورابى