نيۋ – يورك شتاتىنىڭ باستىعى: مانحاتتانداعى قوپارىلىس دەلوسى ــ لاڭكەستىك ارەكەت

2016.09.19 16:26   كەلۋ قاينارى : حالىق تورابى

　　شينحۋا اگەنتتىگى، 18 – قىركۇيەك، نيۋ – يورك (ءتىلشى ياڭ چاڭشياڭ). ا ق ش نيۋ – يورك شتاتىنىڭ باستىعى اندرەي كۋمو 18 – قىركۇيەكتە بىلاي دەدى: 17 – قىركۇيەك كەشتە تۋىلعان قوپارىلىس دەلوسىنىڭ لاڭكەستىك ارەكەت ەكەنى ايقىن، الايدا مۇنىڭ حالىقارالىق لاڭكەستىك ۇيىممەن قاتىناسىن دالەلدەي المادىق.

　　كۋمو نيۋ – يوركتىڭ مانحاتتانىنداعى چەلسيا رايونىندا وتكىزىلگەن تىلشىلەردى قابىلداۋ جيىنىندا بىلاي دەدى: قوپارىلىس دەلوسى «ءبىر تال بومبىدان» تۋىلعان، ناق مايداننان جيىلعان قاتىستى دەرەكتەر فەدەراتسيالىق تەكسەرۋ مەكەمەسىنىڭ ۆەرگينيا شتاتىنداعى كۋانتيكو تاجىريبەحاناسىنا ىشكەرىلەي تالداۋ جاساۋعا جەتكىزىلدى.

　　كۋمو بىلاي دەدى: قازىر زاڭ اتقارۋ تاراۋلارى قوپارىلىس دەلوسىنىڭ ۇشقارى ۇيىم ــ «ءىسلام مەملەكەتى» سياقتى حالىقارالىق لاڭكەستىك ۇيىمدارمەن قانداي بايلانىسى بار ەكەنىن بايقاي قويعان جوق، الايدا مۇنداي قوپارىلىس وقيعالارىنىڭ ادەتتەگى جاعدايدا لاڭكەستىك ارەكەتكە ءتان بولىپ كەلەدى.

　　كەلۋ قاينارى: حالىق تورابى