سىچۋاننىڭ پانجىحۋا قالاسىندا جاۋعان نوسەردە 6 ادام قازا بولىپ، 11 ادام دەرەكسىز كەتتى

2016.09.20 16:42   كەلۋ قاينارى : حالىق تورابى

　　سىچۋان ولكەسىنىڭ پانجىحۋا قالاسىندا 18 – قىركۇيەكتەن 19 – قىركۇيەككە دەيىن قالىڭ نوسەر جاۋىپ، اتالعان قالانىڭ رىنحى رايونىنا قاراستى داتيان قالاشىعى، پيڭدي قالاشىعى، ۋبىن اۋىلى جانە شىعىس قالا رايونىنا قاراستى يىنجياڭ قالاشىعى قاتارلى جەرلەردە اۋىر اپات بولدى، سىچۋان ولكەلىك تاسقىننان ساقتانۋ، قۋاڭشىلىققا قارسى اتتانۋعا جەتەكشىلىك ەتۋ باس شتابىنىڭ مالىمەتىنە قاراعاندا، وسى رەت جاۋعان نوسەردە پانجىحۋا قالاسىنداعى 8 باقىلاۋ – ولشەۋ ورنىندا جاۋىن – شاشىن مولشەرى 100 ميلليمەتردەن اسقان، بۇل وڭىرلەر نەگىزىنەن شىعىس قالا رايونى مەن رىنحى رايونىندا. مۇندا رىنحى رايونى شۇيتاڭتيان سۋ قويماسىندا باقىلاپ ولشەنگەن جاۋىن – شاشىن مولشەرى 236.2 ميلليمەترگە جەتكەن. قالانىڭ كوپتەگەن اۋدان – رايوندارىندا بەتكەي كوشۋ، وتىرىپ كەتۋ، لاي كوشكىنى، تاسقىن قاتارلى تابيعي اپاتتار تۋىلىپ، ءىشىنارا جەرلەردە جوعارى قارقىندى تاس جولداردا قاتىناس ىركىلىسكە ۇشىراپ، تۋنەلدەر وتىرىپ كەتكەن، تۇرعىنداردىڭ ءۇيىن سۋ الىپ كەتكەن. ۋ سۇڭحاۋ فوتوسى

　　كەلۋ قاينارى: حالىق تورابى