شينجياڭ كەڭساي تاۋلى رايونىندا قار جاۋىپ، قاردىڭ قالىڭدىعى 30 سانتيمەترگە جەتتى

2016.10.20 16:44   كەلۋ قاينارى : حالىق تورابى

　　حالىق تورابى، 20 – قازان، بەيجيڭ. شينجياڭ ىلە قازاق اۆتونوميالى وبلىستىق تاسجول باسقارۋ مەكەمەسى كەڭساي بولىمشەسىنىڭ بەرگەن حابارىنا قاراعاندا، 19 – قازان ساعات 0دەن 40 مينۋت وتكەندە، كەڭساي تاۋلى رايونىنا قار جاۋىپ، G30 لەنياسى سايرام – كەڭساي جوعارى قارقىندى تاسجولىنىڭ ءبىر ءبولىم بولەگىنە مۇز قاتقان، كەڭساي بولىمشەسى دەر كەزىندە 4 قار تازالاۋ اۆتوكولىگى، ءبىر قار يتەرۋ كولىگى، ەكى قار تاسۋ كولىگى، ءبىر قاتىناس تاسىمالىنا جەتەكشىلىك ەتۋ كولىگىن شىعارىپ، ءوز قاراماعىنداعى جول بولەكتەرىنىڭ قارىن تازالاعان. قاتىناس حاۋىپسىزدىگىنە كەپىلدىك ەتۋ ءٴۇشىن، جەرگىلىكتى قاتىناس ساقشى تاراۋلارى كەڭساي اقى الۋ پۋنكتىندە ءۇرىمجى باعىتىنا قاتىنايتىن كولىكتەردىڭ قاتىناۋىن ۋاقىتشا توقتاتقان، ىلە باعىتىنا قاتىنايتىن كولىكتەر قالىپتى قاتىناعان.

　　قازىر، كەڭساي جول بولەگىندەگى كورۋ ارالىعى 100 مەتر اينالاسىندا، قاردىڭ قالىڭدىعى 30 سانتيمەترگە جەتكەن، كەيبىر جەرلەردە 40 سانتيمەترگە جەتكەن، اۋا تەمپەراتۋراسى نولدەن تومەن 5 سەلتسي گرادۋس بولىپ، اتالعان جول بولەگىن جوندەۋ ورنىنىڭ كەڭساي تاسجول باسقارۋ بولىمشەسى ادام كۇشى مەن قار تازالاۋ ماشينالارىن شىعارىپ قار تازالاۋدا. اتالعان جول بولەگىندە كولىك جۇرگىزۋشىلەردىڭ كولىك دوڭگەلەگىن ءٴسوزسىز قار ۇستىندە جۇرەتىن دوڭگەلەككە الماستىرۋىن، اسىرەسە اۋىر ءتيپتى جۇك كولىكتەرىنىڭ ءسوزسىز تايۋدان ساقتايتىن شىنجىر تاعۋىن، قاتىناس ساقشىسىنىڭ نۇسقاۋىنا بۇيسۇنىپ، قارقىنىن باياۋلاتىپ، اقىرىن ٴجۇرۋىن ەسكەرتەدى.

　　كەلۋ قاينارى: حالىق تورابى