ليففي جۇڭگو ەرلەر فۋتبول قۇراماسىنىڭ باپكەرى بولدى

2016.10.24 13:42   كەلۋ قاينارى : حالىق تورابى

　　حالىق تورابى، 24 – قازان، بەيجيڭ. جۇڭگو فۋتبول بىرلەستىگى 22 – قازان كۇنى يتاليانىڭ ايگىلى باپكەرى مارسەللو ليففيدىڭ جۇڭگو ەرلەر فۋتبول قۇراماسىنا باپكەر بولعانىن جاريالادى. جۇڭگو فۋتبول بىرلەستىگىنىڭ ايتۋىنشا، جۇڭگو فۋتبول بىرلەستىگىنىڭ مەملەكەت قۇراماسىنا باپكەر تاڭداپ قابىلداۋ ءتارتىبى بويىنشا، ەكى جاقتىڭ دوستىق كەڭەسى ارقىلى جۇڭگو فۋتبول بىرلەستىگى 22 – قازاننان باستاپ ليففيدى جۇڭگو ەرلەر فۋتبول قۇراماسىنىڭ باپكەرلىگىنە رەسمي تاعايىنداعان.

　　ليففي كاسىپتىك فۋتبولشى كەزىندە سامپدوريا، پيستوريا قاتارلى كلۋبتاردا ونەر كورسەتكەن. 1982 – جىلى ليففي سامپدوريا جاستار كومانداسىنا باپكەر بولىپ، ءوزىنىڭ كەرەمەتكە تولى باپكەرلىك ءومىرىن باستاعان.

　　ول يۋۆەنتۋس كومانداسىنا باپكەر بولىپ، يتاليا ليگاسىندا 5 رەت اعا جۇلدەگەر، ەۆروپا چەمپيوندار ليگاسىندا ءبىر رەت اعا جۇلدەگەر بولعان. 2006 – جىلى يتاليا قۇراماسىن باستاپ الەم چەمپيوناتىنىڭ اعا جۇلدەگەرلىگىنە قول جەتكىزگەن.

　　2012 – جىلى مامىر ايىندا گۋاڭجوۋ حىڭدا كومانداسىنىڭ باپكەرى بولىپ، اتالعان كوماندانى باستاپ 2013 – جىلى ازيا چەمپيوندار ليگاسىنىڭ اعا جۇلدەگەرى بولعان.

　　كەلۋ قاينارى: حالىق تورابى