شينجياڭ ءتاڭىرتاۋ بارىسى فۋتبول كلۋبى 2016 – جارىس جىلىنىڭ قورىتىندى ماداقتاۋ جيىنىن اشتى

2016.10.25 14:24   كەلۋ قاينارى : حالىق تورابى

　　حالىق تورابى، 25 – قازان، بەيجيڭ. شينجياڭ ءتاڭىرتاۋ بارىسى فۋتبول كلۋبىنىڭ 2016 – جارىس جىلىنىڭ قورىتىندى ماداقتاۋ جيىنى 24 – قازان كۇنى ءۇرىمجى قالاسىندا اشىلدى.

　　شينجياڭ ءتاڭىرتاۋ بارىسى فۋتبول كلۋبى ديرەكتورىنىڭ ورىنباسارى، كوماندانىڭ باپكەرى لي جۇن بىلاي دەدى: ءبىزدىڭ بۇل رەتكى ماۋسىمدىق جارىسىمىزدىڭ باستاماسى توتەنشە ماشاقاتتى بولدى، قارسىلاسىمىزدىڭ الاڭىندا قاتارىنان وتكىزىلگەن 4 رەتكى جارىستا كوماندامىز تەك 1 عانا ءنومىر جينادى، سىرتقى باسىمدىلىقتار دا اۋىر بولدى، وزگەلەر كلۋبىمىزدىڭ كۇشىنە دە كۇمانمەن قارادى، ءبىزدىڭ جۇڭگو ليگاسىندا جالعاستى تابان تىرەپ تۇرۋىمىز دا اسا كۇردەلى جاعدايعا كوشكەن بولاتىن، ءبىراق ٴءبىز ءوز الاڭىمىزعا قايتا ورالعاننان كەيىن، اۋەلى شاڭحاي شىنشين كومانداسىن جەڭدىك، سوسىن بەيجيڭ رىنحى، بەيجيڭ بەيكۇڭ، داليان ي – فاڭ كومانداسىن جەڭىپ، كوماندا تاريحىمىزداعى تۇڭعىش قاتارىنان ءۇش رەتكى جەڭىسكە قول جەتكىزىپ، سىرتقى جاقتىڭ جويقىن كوماندا دەگەن ماداقتاۋىنا يە بولۋمەن قاتار، دارەجەسى تومەندەتىلەتىندەردىڭ قاتارىنان وزىپ شىعىپ، جۇڭگو سۋپەر ليگاسىنا تالاپتانعان كوماندالاردىڭ قاتارىنا وتتىك. بۇكىل ماۋسىمدىق جارىستا شينجياڭ ءتاڭىرتاۋ بارىس كومانداسى ەكى رەت قاتارىنان ءۇش مايدان جەڭىستىك الۋ، ءبىر رەت قاتارىنان ءتورت مايدان جەڭىستىك الۋداي تاماشا ناتيجەلەرگە قول جەتكىزىپ، كوماندا تاريحىن جاڭالادى.

　　كەلۋ قاينارى: حالىق تورابى