چاڭ ۋانچۋان قازاقستان مەملەكەت قورعانىس مينيسترىمەن كەڭەس وتكىزدى

2016.11.02 12:52   كەلۋ قاينارى : حالىق تورابى

　　حالىق تورابى، 2 – قاراشا، بەيجيڭ. مەملەكەتتىك كەڭەستىڭ مۇشەسى جانە مەملەكەت قورعانىس مينيسترى چاڭ ۋانچۋان 1 – قاراشا بەيجيڭدە قازاقستاننىڭ مەملەكەت قورعانىس مينيسترى ساكەن جاسۇزاقوۆپەن كەڭەس وتكىزدى.

　　چاڭ ۋانچۋان بىلاي دەدى: جۇڭگو مەن قازاقستان كورشىلەس دوس جانە جان - جاقتىلى ستراتەگيالىق سەرىكتەس ەل، كوز الدا ەكى ەلدىڭ قارىم - قاتىناسى بۇرىن – سوڭدى بولماعان جوعارى دارەجەگە جەتتى، ەكى ەل ارمياسىنىڭ قارىم - قاتىناسى دا بارعان سايىن كۇشەيۋدە. جۇڭگو قازاقستانمەن بىرگە ەكى ەل باسشىلارىنىڭ ورتاق تانىمىن تياناقتاندىرىپ، ەكى ەل ارمياسىنىڭ قارىم - قاتىناسىن ءتىپتى دە جوعارى ورەگە جەتكىزۋدى قالايدى. چاڭ ۋانچۋان جۇڭگو كوممۋنيستىك پارتياسى 18 - كەزەكتى ورتالىق كوميتەتى التىنشى جالپى ماجىلىسىنە قاتىستى جاعدايلاردى دا تانىستىردى.

　　ساكەن جاسۇزاقوۆ بىلاي دەدى: قازاقستان ەكى ەلدىڭ لاڭكەستىككە قارسى تۇرۋ، اسكەري جاتتىعۋ جانە اسكەري مانۆەر وتكىزۋ، مەملەكەت قورعانىس ونەركاسىبى قاتارلى ٵر سالاداعى بارىس – كەلىسى مەن سەلبەستىگىن كۇشەيتىپ، ەكى ەل ارمياسىنىڭ قارىم – قاتىناسىن ۇزدىكسىز دامىتۋعا پەيىل.

　　كەلۋ قاينارى: حالىق تورابى