جۇڭگو كاسىپورىنى تۇڭعىش رەت قازاقستاندا بانكە جارناسىن ساتىپ الدى

2016.11.07 15:01   كەلۋ قاينارى : حالىق تورابى

　　حالىق تورابى، 7 – قاراشا، بەيجيڭ. حالىق تورابىنىڭ 4 – قاراشادا استانادان بەرگەن حابارى. قازاقستان حالىق بانكەسىنىڭ ۇسىنىسىمەن، جۇڭشين بانكەسى مەن قازاقستان حالىق بانكەسى 3 – قاراشا كۇنى قازاقستان پرەمەر – مينيسترى سارايىندا جارنا ساۋداسى جادىناماسىنا قول قويىسىپ، جۇڭشين بانكەسى قازاقستان حالىق بانكەسى باسقارۋىنداعى التىن بانكەسىنىڭ 60 پايز جارنا ۇقىعىن ساتىپ الاتىن بولدى. ساتىپ الۋ اياقتالعاننان كەيىن، جۇڭگو جاقتىڭ قارجىگەرى التىن بانكەسىنىڭ 60 پايز جارناسىنا يە بولادى، حالىق بانكەسى جالعاستى 40 پايز جارناسىنا يە بولادى. ءسويتىپ، جۇڭشين بانكەسى ەلىمىزدەگى تۇڭعىش رەت قازاقستاندا بانكە جارناسىن ساتىپ العان جارنالى ساۋدا بانكەسى بولدى.

　　«ءبىر بەلدەۋ، ءبىر جول» ۇندەۋى «13- بەسجىلدىق» پىلان مەزگىلىندەگى ەلىمىزدىڭ سىرتقا باعىتتالعان ماڭىزدى دامىتۋ ستراتەگياسى، وسىنداي جاعدايدا، جۇڭشين بانكەسى تاريحي ورايدى مىقتى يگەرىپ، قازاقستاننىڭ جەرگىلىكتى بانكە جارنا ۇقىعىن ساتىپ الۋدى ءجون كوردى، بۇل ءادىس قازاقستانداعى جۇڭگو - شەتەل كاسىپورىندارى مەن تۇرعىندارعا قىزمەت وتەۋگە اناعۇرلىم پايدالى بولادى.

　　كەلۋ قاينارى: حالىق تورابى