جاڭا زەللانديادا 7.5 بال جەر سىلكىنسى تۋىلدى

جەر سىلكىنىسىندە كەمىندە ەكى ادام قازا بولدى

2016.11.14 14:25   كەلۋ قاينارى : حالىق تورابى

　　حالىق تورابى، 14 – قاراشا، بەيجيڭ. جاڭا زەللانديا پرەمەر – مينيسترى جون كەيدىڭ 14 – قاراشادا تۇراقتاندىرۋىنشا، سول كۇنى تاڭ سارىدە جەر سىلكىنگەندە كەمىندە ەكى ادام قازا بولعان.

　　جون كەيدىڭ اقپار جاريالاۋ ماجىلىسىندە ايتۋىنشا، قازىر ءولىم – ءجىتىم نەمەسە جارالانۋ احۋالى تۋرالى مۇنان باسقا مالىمەت جوق، قاتىستى قىزمەتكەرلەر قازىر جەر سىلكىنىسىنىڭ ىقپالىن ىشكەرىلەي تەكسەرۋدە.

　　جاڭا زەللانديا ساقشى جاعىنىڭ 14 – قاراشادا جاريالاعان مالىمەتىنە قاراعاندا، جەر سىلكىنىسىندە تۇستىك ارالدىڭ شىعىس تەڭىز جاعالاۋىنداعى كايكۋلا قالاشىعىندا ءبىر ءۇي قۇلاپ، ءبىر ادام قازا بولعان. مۇنان سىرت، ساقشى جاق تۇستىك ارالداعى ەڭ ءىرى قالا ــ كريستچرچ قالاسىنىڭ سولتۇستىگىندە ءبىر ادامنىڭ قازا بولعانى تۋرالى مالىمەت تاپسىرىپ العان.

　　جەرگىلىكتى ۋاقىت بويىنشا 14 – قاراشا ساعات 2دە جاڭا زەللانديانىڭ تۇستىك ارالىنىڭ ورتا بولەگىندە 7.5 بال جەر سىلكىندى. سوڭىنان جاڭا زەللانديانىڭ تۇستىك ارالىنىڭ سولتۇستىگىندەگى وڭىرلەردە شوعىرلى تۇردە 5 بالدان جوعارى قايتالاما سىلكىنىس كوپ رەت تۋىلدى.

　　كەلۋ قاينارى: حالىق تورابى