بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

«نوقاي وتىندە» قامالىپ قالعان 10 نەشە كولىكتەگى ادامدار قۇتقارىلدى

2016.11.15 14:57   كەلۋ قاينارى : حالىق تورابى



  التاي ايماعى جەمەنەي اۋدانىندا بىرنەشە كۇننەن بەرى تولاسسىز قار جاۋىپ، «نوقاي بورانى» سوقتى، بۇرقاسىن وتىندەگى توستى اۋىلى سۇركەيلى اۋا رايىنىڭ ىقپالىنا ۇشىراپ، كورىنىمدىلىك دەڭگەيى 10 مەترگە جەتپەي قالدى، جول بەتىن قار قىمتاپ، كوكتايعاق مۇزدا كولىكتەردىڭ قاتىناۋى قيىنعا سوعىپ، تۇرعىندارعا قولايسىزدىق تۋدىردى.

  اتالعان ورىنداعى قوعام حاۋىپسىزدىگى بولىمشەسى 12 – قاراشا كۇنى تۇستەن بۇرىن بۇقارانىڭ كومەك سۇراعان تەلەفونىن قابىلداپ، كومەك سۇراۋشى ۇيىنە قايتار جولىندا «نوقاي بورانىنا» جولىعىپ، اۆتوكولىك جۇرگىزۋ مۇمكىن بولماي قالعانىنان، ودان باسقا دا 10 اۆتوكولىك جول ۇستىندە بوگەلىپ قالعانىنان حابارلى بولعاننان كەيىن، قوعام حاۋىپسىزدىگى بولىمشەسىندەگى كوماندير – جاۋىنگەرلەر دەرەۋ ۇيىمداسىپ، جۇرگىنشىلەر قامالىپ قالعان جول بولەگىنە دەرەۋ جەتىپ، اۆتوكولىكتى ءبىر جاعىنان يتەرىپ، ءبىر جاعىنان سۇيرەپ، ەندى ءبىرجاعىنان جولدىڭ قارىن كۇرەي وتىرىپ، كوپشىلىكتى ۇيىمداستىرىپ حاۋىپ – قاتەردەن قۇتقارىپ، «نوقاي وتىنەن» جەدەل ءوتىپ كەتتى. ىلە – شالا، توستى شەكارا قورعانىس بولىمشەسى اۋداندىق قاتىناس ساقشى ۇلكەن اترەتى جانە اۋىلدىق پارتكوممەن سايكەسە وتىرىپ، سول ارادان وتەتىن اۆتوكولىكتەردى بوگەپ، بۇقارانىڭ مال – مۇلكى مەن اماندىعىن قورعادى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت