بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شياڭگاڭدىق جىگىت 22 دانا «گاز مىلتىقتى» ارقالاپ شىنجىن وتكەلىنەن وتكەندە ۇستالدى

2016.11.30 14:43   كەلۋ قاينارى : حالىق تورابى



  حالىق تورابى، 30 – قاراشا، بەيجيڭ. جۇڭگو اقپارات تورابىنىڭ حابارلاۋىنشا، شىنجىن حۋاڭگاڭ كەدەنىنىڭ 28 – قاراشادا مالىمدەۋىنشە، اتالعان كەدەن مەكەمەسى فۋتيان وتكەلىندە ارقا سومكەسىنە مىلتىق جانە وق – ءدارى جاسىرىپ شەكارادان وتپەك بولعان شياڭگاڭدىق ساياحاتشىنى انىقتاپ، ونىڭ سومكەسىنەن 22 گاز مىلتىقتى، 6347 دانا قورعاسىن وقتى، مىلتىقتىڭ باسقا بولشەكتەرىن قولعا تۇسىرگەن.

  ايتۋعا قاراعاندا، 27 – قاراشا كۇنى شىنجىن فۋتيان وتكەلىنىڭ شەكارادان وتكەندەردى تەكسەرۋ زالىندا شياڭگاڭدىق جىگىت حۋاڭگاڭ كەدەن قىزمەتكەرلەرىنىڭ نازارىنا ىلىنگەن. ارقاسىنا قارا سومكا كوتەرگەن جىگىت كەدەننىڭ باقىلاۋ ورنىنان اسىعىس – ۇسىگىس وتكەن.

  كەدەن قىزمەتكەرى سومكانىڭ اۋىر ەكەنىن بايقاپ، جىگىتتى توقتاتىپ، وعان سومكانى كەدەننىڭ X نۇرلى تەكسەرۋ اسپابىنان وتكىزۋگە ءيشارات ەتكەن. كۇدىكتى جىگىت كەدەن قىزمەتكەرىنە سومكاداعى زاتتاردىڭ تۇرمىستىق بۇيىمدار ەكەنىن، تەكسەرۋدىڭ قاجەتى جوعىن ايتقان. كەدەن قىزمەتكەرى وعان قاتىستى زاڭ – تۇزىمدەردى ايتقان. X نۇرلى تەكسەرۋ اسپابىنان وتكىزۋ ارقىلى كەدەن قىزمەكتەرى سومكاداعى زاتتاردىڭ بارلىعى مىلتىق پەن وق – دارىگە ۇقسايتىنىن بايقاعان. سومكانى اشىپ تەكسەرۋ بارىسىندا سومكادان 22 گاز مىلتىق، 6347 دانا قورعاسىن وق جانە مىلتىقتىڭ بولشەكتەرى تابىلعان.

  سۇراققا تارتۋ بارىسىندا، كۇدىكتى جىگىت بۇل زاتتاردى باسقالارعا كومەكتەسىپ وتكىزىپ بەرۋ ارقىلى «ەڭبەكاقى» الماق بولعانىن ايتقان.

  كەلۋ قاينارى: حالىق تورابى

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت