ومار 2016 – جىلعى ازيا فۋتبول مىرزاسى اتاندى

2016.12.02 13:55   كەلۋ قاينارى : حالىق تورابى

　　حالىق تورابى، 2 – جەلتوقسان، بەيجيڭ. ازيا فۋتبول بىرلەستىگىنىڭ 2016 – جىلعى سيلىق تاراتۋ سالتى 1 – جەلتوقساندا اراب بىرىككەن امىرلىگىنىڭ ابۋدابي قالاسىنداعى امىرلىك مەملەكەت سارايى مەيمانحاناسىندا وتكىزىلىپ، «شىعاناق مەسسيى» دەپ اتالعان اراب بىرىككەن امىرلىگى قۇرماسىنىڭ ورتا مايدان اتويشىسى ومار ابدۇل راحمان 2016 – جىلعى ازيا فۋتبول مىرزاسى اتاندى، اۆستراليا فۋتبولشىسى كاتەلين فورد ازيا فۋتبول ارۋى اتاندى.

　　ومار 1991 – جىلى تۋىلعان، اراب بىرىككەن امىرلىگى قۇراماسى مەن ءال – اين فۋتبول كلۋبىنىڭ بەلدى ورتا مايدان شابۋىلداۋشىسى بولىپ، بيىلعى جىلى ەرەكشە ونەر كورسەتىپ، الدىڭعى اپتادا وتكىزىلگەن ازيا چەمپيوندار ليگاسىندا ءال – اين كومانداسىن باستاپ جۇلدەگەرلىككە قول جەتكىزدى ءارى اراب بىرىككەن امىرلىگى قۇراماسىن باستاپ، الەم چەمپيوناتىنا ازيا كولەمىندەگى 12 مىقتىدان سارالاۋ جارىسىندا 3 رەت جەڭىستىك الىپ، 2 رەت جەڭىلىپ ءوز گرۋپپاسىندا 4 – ورىنعا جايعاستى، سول سەبەپتى بيىلعى جىلعى ازيا فۋتبول مىرزاسى اتاعى ومارعا بۇيىردى.

　　كەلۋ قاينارى: حالىق تورابى