تۇركيانىڭ ستامبۋل قالاسىندا تۋىلعان جارىلىستا 29 ادام قازا بولىپ، 166 ادام جارالاندى

2016.12.12 14:51   كەلۋ قاينارى : حالىق تورابى

　　حالىق تورابى، 12 – جەلتوقسان، بەيجيڭ. شينحۋا اگەنتتىگىنىڭ حابارلاۋىنشا، تۇركيانىڭ ەڭ ۇلكەن قالاسى ستامبۋلدىڭ ورتالىعىندا 10 – جەلتوقسان كۇنى تۇندە ارت – ارتىنان ەكى رەت جارىلىس تۋىلدى. تۇركيا ىشكى ىستەر مينيسترى سۇلەيمان سويلۋدىڭ ايتۋىنشا، ەكى رەتكى جارىلىستا 29 ادام قازا بولىپ، 166 ادام جارالانعان.

　　ەكى رەتكى جارىلىس ستامبۋلدىڭ بەسىكتاس رايونىنداعى سپورت سارايىنىڭ سىرتىندا تۋىلعان، ءبىرىنشى جارىلىستان كەيىن نەشە ون سەكۋند وتكەندە ەكىنشى رەت جارىلىس تۋىلعان. سويلۋدىڭ ايتۋىنشا، جارىلىس تۋدىرۋشىلار بۇلىكتەن قورعانۋشى ساقشىلار پايدالاناتىن اۆتوبۋستى نىسانا ەتكەن. ەكى رەتكى جارىلىستىڭ ءبىرى جانكەشتى جارىلىس شابۋىلى، ەندى ءبىرى اۆتوكولىكتى بومبا شابۋىلى. جارىلىستا كەمىندە 29 ادام، ياعني 27 ساقشى، 2 جاي بۇقارا قازا بولعان.

　　سويلۋدىڭ ايتۋىنشا، ساقشى جاق جارىلىس شابۋىلىن تۋدىرعان كۇماندىلاردان 10 ادامدى قولعا تۇسىرگەن.

　　جۇڭگونىڭ ستامبۋلدا تۇراتىن باس كونسۋلدىعى ءمانساپتىسىنىڭ ايتۋىنشا، جۇڭگو ازاماتتارىنىڭ وسى رەتكى جارىلىستا جارالانعانى نەمەسە قازا بولعانى تۋرالى مالىمەت تاپسىرىپ الماعان.

　　وتكەن ءبىر جىلدا تۇركيانىڭ حاۋىپسىزدىك جاعدايى ناشارلاپ، ستامبۋل جانە انكارا سىندى قالالاردا جارىلىس شابۋىلى تۋىلدى. بيىل 28 – ماۋسىمدا ستامبۋلداعى اتا تۇرىك حالىقارالىق اۋەجايىندا 3 ادام جانكەشتى جارىلىس شابۋىلىن تۋدىرىپ، 45 ادام قازا بولعان بولاتىن.

　　كەلۋ قاينارى: حالىق تورابى