بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ميرزيەيەۆ وزبەكستان پرەزيدەنتى قىزمەتىنە كىرىستى

2016.12.15 14:06   كەلۋ قاينارى : حالىق تورابى



  حالىق گازەتى، 14 – جەلتوقسان، الماتى. (شيە ياحۇڭ) تاشكەنتتەن العان حابار: وزبەكستاننىڭ سايلانعان پرەزيدەنتى ميرزيەيەۆ 14 – جەلتوقساندا وزبەكستان پارلامەنت پالاتالارىنىڭ بىرلەسكەن ماجىلىسىندە سەرت بەرىپ، پرەزيدەنتتىك مىندەتىنە رەسمي كىرىستى، ونىڭ مىندەت وتەۋ مەرزىمى 5 جىل.

  ميرزيەيەۆ مىندەتكە وتىرۋ سوزىندە حالىقپەن ەتەنە قارىم – قاتىناستا بولاتىنىن، رەفورما جۇرگىزۋدىڭ قاجەتتىلىگى مەن كەزەك كۇتتىرمەيتىن مىندەت ەكەنىن ايتا كەلىپ، بۇل مىندەتتى ورىنداۋدا حالىقتىڭ قولداۋىنان ايىرىلا المايتىنىن ايتتى. ۇيىمداسقان قىلمىستىق ارەكەتتەرگە، جەمقورلىق پەن ءدىني ۇشقارىلىق قاتارلىلارعا قاتاڭ سوققى بەرۋ مەن تيىم سالۋ؛ جاستارعا باعدار نۇسقاۋ مەن باسقارۋدى كۇشەيتۋ؛ قارتتاردىڭ، ايەلدەردىڭ، بالالاردىڭ دەنساۋلىعى مەن حاۋىپسىزدىگىنە كوڭىل ءبولۋ؛ ءونىمدى، ساپالى مەديتسينالىق قىزمەت وتەۋ جۇيەسىن قۇرۋ؛ اناعۇرلىم مول كاسىپتەنۋ مۇمكىندىگىن جاراتۋ؛ اۋىل – قىستاقتاعى نەگىزدىك قۇرىلعىلار مەن اۋىل شارۋاشىلىق تەحنيكالارىنا رەفورما جاساۋ؛ اۋىل شارۋاشىلىق قوسىمشا ونىمدەرىن وندىرەتىن كاسىپورىندار مەن مانەرلەۋ ونەركاسىبىن دامىتۋعا شابىتتاندىرۋ كەرەك ەكەنىن اتاپ ءوتتى.

  ميرزيەيەۆ وزبەكستاننىڭ ديپلوماتيالىق ساياساتىنىڭ نەگىزگى پرينسيپى وزگەرمەيتىنىن، الەمدەگى بارلىق ەلدەرمەن ەكى جاقتىلى جاقسى قارىم – قاتىناستا بولاتىنىن ءبىلدىردى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت