رەسەيدىڭ اپاتقا ۇشىراعان تۋ – 154 ۇشاعىنىڭ ەكىنشى قارا قوبديشاسىن سۋدان ءسۇزىپ الدى

2016.12.29 14:00   كەلۋ قاينارى : حالىق تورابى

　　حالىق تورابى، 29 – جەلتوقسان، بەيجيڭ. رەسەي قورعانىس مينيسترلىگى 28 – جەلتوقسان كۇنى مالىمدەمە جاريالاپ، اپاتقا ۇشىراعان رەسەي تۋ – 154 ۇشاعىنىڭ ەكىنشى قارا قوبديشاسىن سول كۇنى تۇستەن بۇرىن سۋدان ءسۇزىپ الىپ شىققانىن جاريالادى.

　　اۋە اپاتىنا ۇشىراعان ۇشاقتىڭ ءبىرىنشى قارا قوبديشاسى 27 – جەلتوقسان كۇنى ءسۇزىپ الىنعان بولاتىن. رەسەي قورعانىس مينيسترلىگى قارا قوبديشاداعى ساندىق مالىمەتتەر ۇشاقتىڭ اۋە اپاتىنا ۇشىراۋ سەبەبىن تەكسەرۋگە ءوز پايداسىن جەتكىزەتىنىن، ءبىراق تولىق ينفورماتسياعا يە بولعاننان كەيىن سوڭعى ناتيجەسىن جاريالايتىنىن، قازىر ءالى ەرتە ەكەنىن ايتقان بولاتىن.

　　اۋە اپاتىنا ۇشىراعان ۇشاقتىڭ قۇتقارۋ قىزمەتى 28 – جەلتوقسان كۇنى 4 – كۇنگە اياق باستى. رەسەي قورعانىس مينيسترلىگىنىڭ حابارىنا قاراعاندا، 28 – جەلتوقسان ماسكەۋ ۋاقىتى 12گە دەيىن، ۇشاقتىڭ 239 پارشاسى مەن 15 مۇردە تابىلىپ، مۇنىڭ ىشىندە 13 مۇردە ماسكەۋگە جەتكىزىلگەن.

　　كەلۋ قاينارى: حالىق تورابى