ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ءماجىلىسى اشىلدى

2017.01.09 14:20   كەلۋ قاينارى : ءتاڭىرتاۋ تورابى

　　چىن چۋانگو، شوكىرات زاكىر، نايىم ياسىن، سۇن جينلۇڭ، جۋ حايلۇن، لي پىڭشين ماجىلىسكە قاتىناسىپ قۇتتىقتادى

　　نۇرلان ءابىلماجىن ۇلى ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، ءماجىلىستى باي جىجيە باسقاردى، ليۋ جىيۇڭ ۇسىنىس جوبا قىزمەتى جاعدايىنان بايانداما جاسادى

　　ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ءماجىلىسى 8 - قاڭتار تۇستەن بۇرىن شينجياڭ حالىق سارايىندا اشىلدى. 4 جارىم كۇندە ساياسي كەڭەستىڭ ءار ۇلت، ءار سالاداعى مۇشەلەرى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسيالارىن اتقارىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، بەرەكەلى، جاراسىمدى، گۇلدەنگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن سوتسياليستىك جاڭا شينجياڭ قۇرۋعا تىڭ ۇلەس قوسادى.

　　شينجياڭ حالىق سارايىنىڭ ۇلكەن زالى قىزۋ مەرەيگە شومدى. بۇكىل ەلىمىزدەگى ءار ۇلت حالقىنىڭ ۇلى ىنتىماعىنىڭ سيمۆولى سانالاتىن ساياسي كەڭەس گەربى ءتوراعالار مىنبەسىنىڭ ءدال ورتاسىنا ءىلىنىپ، ونىڭ ەكى جاعىنا بەستەن نارت قىزىل تۋ قويىلعان.

　　اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق ساياسي كەڭەستىڭ ورىنباسار ءتوراعالارى باي جىجيە، ليۋ يانلياڭ، رىزۋان ابەي، لي شياڭلين، ءجۇرات يمىن، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ءابدىقادىر، يۇي شيۋدۇڭ، ابدىليتىپ ابدىرەيىم ءتوراعالار مىنبەسىنىڭ الدىڭعى قاتارىنان ورىن الدى.

　　چىن چۋانگو، شوكىرات زاكىر، نايىم ياسىن، سۇن جينلۇڭ، جۋ حايلۇن، لي پىڭشين، پىڭ يۇڭ، شاۋكەت يمىن، ەركىن تۇنياز، ما شۋەجۇن، پىڭ جيارۇي، تيان ۋىن، سارقىت اقان ۇلى، ليۋ شينچي، عانيبات سابىكەي ۇلى ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

　　مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى جولداس ءماجىلىستىڭ اشىلۋ سالتىنا ۇسىنىسپەن قاتىناستى.

　　ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 479، ناق قاتىناسقانى 442 مۇشە، بۇل بەلگىلەمەدەگى مۇشە سانىنا ۇيلەسەدى.

　　ساعات 10نان 30 مينۋت وتكەندە، باي جىجيە ءماجىلىستىڭ اشىلعاندىعىن جاريالادى. زالداعى بارلىق ادام ورىندارىنان تۇرىپ، مەملەكەت گيمنىن ورىندادى.

　　ءماجىلىس الدىمەن ءماجىلىستىڭ كەڭەستىك ءتارتىبىن قاراپ ماقۇلدادى.

　　نۇرلان ءابىلماجىن ۇلى ساياسي كەڭەس اۆتونوميالى رايوندىق تۇراقتى كوميتەتى اتىنان ماجىلىسكە قىزمەتتەن بايانداما جاسادى.

　　نۇرلان ءابىلماجىن ۇلى 2016 - جىلعى قىزمەتتەردى قورىتىندىلادى. ول بىلاي اتاپ كورسەتتى: ءبىر جىلدان بەرى مەملەكەتتىك ساياسي كەڭەستىڭ ءمان بەرىپ، جەتەكشىلىك ەتۋى مەن اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايونىمىزداعى ءار دارەجەلى ساياسي كەڭەس ۇيىمدارى باس شۋجي شي جينپيڭ العا قويعان «ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن كەڭەسۋگە شەبەر بولۋ» تالابى بويىنشا، حالىق ساياسي كەڭەسىنە قاتىناسۋشى پارتيا - توپتاردى جانە ءار ۇلت، ءار سالا قايراتكەرلەرىن كەڭ كولەمدە ىنتىماقتاستىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، باس نىسانانى ارقاۋ ەتىپ، قىزمەتتە جاڭالىق اشۋدى جەبەپ، قىزمەت مىندەتىن اتقارۋ قابىلەتىن جوعارىلاتىپ، شينجياڭنىڭ رەفورما جاساۋ، ەسىك اشۋ جانە ەكونوميكالىق، قوعامدىق دامۋىن ىلگەرىلەتۋگە جۇرت تىلەگىن جۇمىلدىرىپ، كۇش قوسىپ، قوعام ورنىقتىلىعى مەن باياندى تىنىشتىقتى جەبەۋگە بەلسەندى ۇلەس قوستى. نۇرلان ءابىلماجىن ۇلى بىلاي دەدى: 2017 - جىل − پارتيانىڭ 19 - قۇرىلتايى اشىلاتىن، قامداۋ جاعىنداعى قۇرىلىمدىق رەفورما تەرەڭدەتىلەتىن، «13 - بەسجىلدىق» جوبا اتقارىلاتىن، ج ك پ اۆتونوميالى رايوندىق 9 - قۇرىلتايىنىڭ رۋحى تياناقتاندىرىلاتىن ماڭىزدى جىل. ج ك پ اۆتونوميالى رايوندىق 9 - قۇرىلتايىنىڭ ورنالاستىرۋلارى مەن تالاپتارىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە قىزمەت مىندەتىن اتقارىپ، جاۋاپكەرشىلىكتى ادا ەتۋ ءۇشىن، ءسوز جوق، دۇرىس ساياسي بەتالىسقا تاباندى بولۋ، باس نىسانا توڭىرەگىندە ورتاق تانىم قالىپتاستىرىپ، كۇش ۇيىستىرۋعا تاباندى بولۋ، ساياسي كەڭەس قىزمەتىنە باس نىسانامەن ءبىر تۇتاس جەتەكشىلىك ەتۋگە تاباندى بولۋ كەرەك. اۆتونوميالى رايوندىق پارتكومنىڭ ۇلتتار ىنتىماعىن، جاراسىمدى، ورنىقتىلىقتى جەبەۋ تالابى بويىنشا، ءار ۇلت، ءار سالاداعى مۇشەلەردىڭ، اسىرەسە، از ۇلت مۇشەلەرى مەن ءدىن سالاسىنداعى مۇشەلەردىڭ رولىن تولىق ساۋلەلەندىرىپ، ءار ۇلت بۇقاراسىنىڭ «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتۋىنا، «5 ورتاق تانىمدى» كۇشەيتۋىنە جەتەكشىلىك ەتىپ، ۇلتتىق بولشەكتەۋشىلىك پەن ءدىني ۇشقارى يدەيانىڭ كەۋلەپ كىرۋىنە باتىل قارسى تۇرۋ؛ اۆتونوميالى رايوندىق پارتكومنىڭ جاپپاي دوڭگەلەك داۋلەتتى قوعام قۇرۋ جانە ەكونوميكانىڭ اناعۇرلىم جاقسى، اناعۇرلىم تەز دامۋىن جەبەۋ جونىندەگى تالابى بويىنشا، ىشكەرىلەي تەكسەرۋ - زەرتتەۋ جۇرگىزىپ، كوزدەن كەشىرىپ، ۇكىمەت ءىسىن كەڭەسۋدەن ورەلى، سالماقتى، قۇندى ناتيجەلەر شىعارىپ، پارتكوم مەن حالىق ۇكىمەتىنىڭ شەشىم جاساۋدا پايدالانۋىنا بەرۋ؛ اۆتونوميالى رايوندىق پارتكومنىڭ يدەولوگيا سالاسى قىزمەتى مەن دەموكراتيالىق ساياسي قۇرىلىستى كۇشەيتۋ جونىندەگى تالابى بويىنشا، ساياسي كەڭەس ارنالارىنىڭ ىركىلىسسىزدىگى، ىنتىماقتاسۋ اياسىنىڭ كەڭدىگى سىندى باسىمدىلىعىن تولىق ساۋلەلەندىرىپ، عىلىمدى قاستەرلەيتىن، اقاۋسىز العا باساتىن، وسىزاماندانعان، وركەنيەتتى قوعامدىق جاعداي قالىپتاستىرۋعا بارىنشا ەسە قوسۋ؛ اۆتونوميالى رايوندىق پارتكومنىڭ حالىق تۇرمىسىن قامتاماسىزداندىرۋ جانە جاقسارتۋ تالابى بويىنشا، كاسىپتەندىرۋ، وقۋ - اعارتۋ، ەمدەۋ سياقتى حالىق تۇرمىسىنا تيىمدىلىك جاساۋ ينجەنەريالارىن ارقاۋ ەتىپ، كوزدەن كەشىرۋ، قىزمەت تەكسەرۋ قيمىلدارىن ورىستەتىپ، پارتكوم مەن حالىق ۇكىمەتىنىڭ حالىق تۇرمىسىنا تيىمدىلىك جاساۋ شارالارىن ويداعىداي تياناقتاندىرۋىنا سەلبەسۋ كەرەك.

　　نۇرلان ءابىلماجىن ۇلى مىنانى باسا دارىپتەدى: قوعام ورنىقتىلىعى مەن باياندى تىنىشتىق باس نىساناسى توڭىرەگىندە، حالىق ساياسي كەڭەسىنىڭ كەڭەستىك دەموكراتيا، دەموكراتيالىق باقىلاۋ، وتانشىلدىق بىرلىكساپ شەبى سىندى ۇيىمدىق رولىن ءتىپتى جاقسى ساۋلەلەندىرۋ كەرەك. بۇكىل رايونىمىزداعى ءار دارەجەلى ساياسي كەڭەس ۇيىمدارى، ءار ۇلت، ءار سالاداعى ساياسي كەڭەس مۇشەلەرى، قالىڭ ساياسي كەڭەس كادرلارى ج ك پ اۆتونوميالى رايوندىق 9 - قۇرىلتايىنىڭ ورنالاستىرۋى مەن تالابىنا ساي، بورىشتى ايقىن تانىپ، ورىندى ءداپ باسىپ تاۋىپ، سانالىلىقتى ارتتىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىمەن ۇشتاستىرىپ، «ۇشتە قاتاڭ، ۇشتە شىنايى بولۋدى» سانالىلىقپەن امالياتتا ايگىلەپ، ساياسي ءتارتىپتى قاتايتىپ، جاۋاپكەرشىلىك تانىمىن، مۇشە تانىمىن كۇشەيتىپ، شىنايى ادام بولىپ، شىن سويلەپ، ناقتى ءىس ىستەپ، جاۋاپكەرشىلىگىن ادالدىقپەن وتەپ، مىندەتىن ادا ەتىپ، جاۋاپكەرشىلىكتى باتىلدىقپەن ارقالاپ، قوعام ورنىقتىلىعى مەن باياندى تىنىشتىعىن جەبەۋگە اقىل - پاراسات، كۇش - قۋات قوسۋ كەرەك.

　　اۆتونوميالى رايوندىق ساياسي كەڭەس تۇراقتى كوميتەتىنىڭ تاپسىرۋىمەن ليۋ جىيۇڭ ماجىلىستە ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى.

　　حۋا شىفي، ۋاڭ يۇڭميڭ، ما ميڭچىڭ، ورگۇل جاپپار، دۇڭ شينگۋاڭ، جاڭ بو، نيجات سۇلتان، مانەن زەينەل ۇلى، ءىنام ناسىردين، ءشوجىپ، تىلەبالدى ابدىرەشيت ۇلى، چيان جى، ءمۇتالىپ قاسىم، جاروللا يسامدين، ماعاۋ سەيتقامىزا ۇلى، ماۋكەن سەيتقامىزا ۇلى، ۋاڭ ۋي، سامەت مامەت، ۋاڭ جيلياڭ، يان فىنشين، گو ليانشان، ءمۇتالىپ وبۇل، نيشان يبىرايىم، گۋان يانمي قاتارلى باسشى جولداستار دا ءتوراعالار مىنبەسىنەن ورىن الدى.

　　مەملەكەتتىڭ ساياسي كەڭەستىڭ شينجياڭداعى مۇشەلەرى، اۆتونوميالى رايوندىق حالىق ۇكىمەتىنىڭ ءبىر ءبولىم اقىلشىلارى، مادەنيەت، تاريحي ماتەريالدار سارايىنىڭ قىزمەتكەرلەرى، اۆتونوميالى رايوندىق ساياسي كەڭەستىڭ مۇشەسى ەمەس (وبلىستىق) قالالىق ساياسي كەڭەس پارتيا باسشىلىق گرۋپپالارىنىڭ شۋجيلەرى مەن ءتوراعالارى، ساياسي كەڭەس ايماقتىق قىزمەت كوميتەتتەرى پارتيا باسشىلىق گرۋپپالارىنىڭ شۋجيلەرى مەن مەڭگەرۋشىلەرى، اۆتونوميالى رايوندىق پارتكوم بىرلىكساپ ءبولىمىنىڭ جاۋاپتىلارى، ايماقتىق، وبلىستىق (قالا) پارتكومدار بىرلىكساپ بولىمدەرىنىڭ باستىقتارى، اۆتونوميالى رايونعا توتە قاراستى اۋدان دارەجەلى قالالىق ساياسي كەڭەستەردىڭ ءتوراعالارى مەن پارتكوم بىرلىكساپ بولىمدەرىنىڭ باستىقتارى ماجىلىسكە سىرتتاي قاتىناستى. «شينجياڭ گازەتى»