تۇركيانىڭ جۇك ۇشاعى قىرعىزستاندا قۇلاپ، كەمىندە 32 ادام قازا بولدى

2017.01.17 14:13   كەلۋ قاينارى : حالىق تورابى

　　حالىق تورابى، 17 – قاڭتار، بەيجيڭ. شينحۋا اگەنتتىگىنىڭ حابارلاۋىنشا، تۇركيا اۆياتسياسىنىڭ جۇك ۇشاعى 16 – قاڭتار تاڭەرتەڭ قىرعىزستاننىڭ ماناس اۋەجايى ماڭىندا قۇلاپ، حابار جولدانعانعا دەيىن 32 ادام قازا بولعان.

　　قىرعىزستان پرەمەر – مينيسترىنىڭ ءبىرىنشى ورىنباسارى ابىلعازيەۆتىڭ اقپارات قۇرالدارىنا ايتۋىنشا، قازا بولعانداردىڭ سانى 32 ادامعا جەتكەن، مۇنىڭ ىشىندە 4 ادام ۇشاق قىزمەتكەرى.

　　قىرعىزستان شۇعىل جاعدايلار مينيسترلىگى وسىنىڭ الدىندا: جۇك ۇشاعى قۇلاعاندا 20دان استام ادام قازا بولدى، مۇنىڭ ىشىندە جەردەگى 9 ەرەسەك ادام مەن 6 بالا جانە ۇشاقتاعى ءبىر قىزمەتكەر قازا بولدى، 15 ءۇي ويراندالدى، - دەپ حابارلاعان.

　　قىرعىزستان ماناس اۋەجايىنىڭ اقپارات باسقارماسى جاريالاعان مالىمەتكە قاراعاندا، تۇركيا اۆياتسيا سەرىكتىگىنىڭ بوين 747 جۇك ۇشاعى جۇڭگو شياڭگاڭنان ستامبولعا ۇشقان، 16 – قاڭتار كۇنى ساعات 7دەن 20 مينۋت اينالاسىندا ماناس اۋەجايىنا قونۋى ءتيىس بولاتىن، الايدا ساعات 7دەن 30 مينۋت اينالاسىندا شۋ وبلىسىنداعى تۇرعىندار جيى قونىستانعان قىستاققا قۇلاعان.

　　ماناس حالىقارالىق اۋەجايى قازىرشە جابىلدى، ۇشاقتىڭ قۇلاۋ سەبەبى ءالى انىق ەمەس.

　　كەلۋ قاينارى: حالىق تورابى