دۇنيە جۇزىلىك 28 – كەزەكتى قىسقى ۋنيۆەرسيادا اياقتادى

جۇڭگو ۋاكىلدەر ۇيىرمەسى مەدال تاقتاسىندا 6 – ورىنعا يە بولادى

2017.02.09 15:10   كەلۋ قاينارى : حالىق تورابى

　　حالىق گازەتى، 8 – اقپان، بەيجيڭ. (جىڭ ي، لي چاڭيۇن) ون كۇن وتكىزىلگەن دۇنيە جۇزىلىك 28 – كەزەكتى قىسقى ۋنيۆەرسيادا 8 – اقپان كۇنى كەشتە قازاقستاننىڭ الماتى قالاسىندا اياقتادى، جۇڭگو ۋاكىلدەر ۇيىرمەسى 4 التىن، 4 كۇمىس، 2 قولا مەدالعا يە بولىپ، مەدال تاقتاسىندا 6 – ورىندى يەلەدى.

　　رەسەي، قازاقستان، وڭتۇستىك كورەيا ۋاكىلدەر ۇيىرمەسى مەدال تاقتاسىندا الدىڭعى 3 ورىنعا يە بولدى.

　　وسى رەتكى دۇنيە جۇزىلىك قىسقى ۋنيۆەرسيادادا جۇڭگو ۋاكىلدەر ۇيىرمەسى جارىستان بۇرىن ناقتى ناتيجە نىساناسىن بەلگىلەمەگەن بولسا دا، سپورتشىلار جارىستا بارىن سالدى، ەركىن شاڭعى، قىسقا ارالىققا مانەرلەپ سىرعاناۋ تۇرلەرىندە اۋىز تولتىرىپ ايتارلىق ناتيجەلەر جاراتىپ، جۋ يىڭيىڭ، لي جۇڭلين، زاڭ يزى قاتارلى جاستار قارا ءۇزىپ العا شىقتى.

　　جارىستان سىرت، سپورتشىلار مادەنيەت جاعىنداعى اۋىس – كۇيىس قيمىلدارىنا بەلسەندى قاتىناسىپ، جۇڭگو ستۋدەنتتەرىنىڭ بەينەسىن ايگىلەدى. جۇڭگو ستۋدەنت سپورتشىلار ۇيىرمەسى باستىعىنىڭ ورىنباسارى شۋە يانچيڭ بىلاي دەدى: بۇرىنعى كەزەكتەرمەن سالىستىرعاندا، وسى رەتكى دۇنيە جۇزىلىك قىسقى ۋنيۆەرسياداعا جۇڭگودان جاي ستۋدەنتتەردىڭ قاتىناسۋ قىزعىندىلىعى جوعارى بولدى، ناتيجە جاعىندا بۇرىنعىدان اسىپ كەتپەسە دە، ەلىمىز ستۋدەنت سپورتشىلارىن ۇيىمداستىرۋ قۇرىلىمى جاعىندا تاريحي بۇرىلىستى ىسكە اسىردى، وسى رەتكى دۇنيە جۇزىلىك قىسقى ۋنيۆەرسيادا ورايىندا دەنە تاربيە جاعىنداعى جوعارى مەكتەپتەرمەن دەنە تاربيەنى نەگىز ەتپەيتىن جوعارى مەكتەپتەر اراسىندا سەلبەستىكتى كۇشەيتىپ، اناعۇرلىم كوپ جوعارى مەكتەپتەردىڭ قار – مۇز سپورتىنا قاتىناسۋىنا جەتەكشىلىك ەتىپ، ەلىمىزدىڭ قار – مۇز سپورتى سالاسىنىڭ دامۋىن بىرلىكتە العا باستىرۋىن ءۇمىت ەتەمىز.

　　كەلۋ قاينارى: حالىق تورابى