قىنابىنان سۋىرىلدى الماس قىلىش، سىلكىندى نايزاعايداي حيكىمەت كۇش

ــ شينجياڭ ۇيعۇر اۆتونوميالى رايونىنىڭ لاڭكەستىككە قارسى تۇرىپ، ورنىقتىلىقتى ساقتاۋداعى سەرت بەرۋ جينالىسى وتكىزىلدى

2017.02.28 13:58   كەلۋ قاينارى : حالىق تورابى

　　حالىق تورابى، 28 – اقپان، بەيجيڭ، ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايونىنىڭ لاڭكەستىككە قارسى تۇرىپ، ورنىقتىلىقتى ساقتاۋداعى سەرت بەرۋ جينالىسى 27 – اقپان كۇنى تۇستەن كەيىن ءۇرىمجى قالاسىندا وتكىزىلدى.

　　شينجياڭ حالىقارالىق كورمە ورتالىعىنىڭ الاڭىندا قارۋلى ساقشى كوماندير – جاۋىنگەرلەرى، قوعام حاۋىپسىزدىگى كادر – ساقشىلارى، حالىق جاساقتارى، اسكەرلىك مىندەتكە دايىندالعاندار قاتارلى ورنىقتىلىقتى ساقتاۋ كۇشتەرىنەن 10 مىڭنان استام ادام بەس قارۋىن اسىنىپ، كوكىرەك كەرە ساپ تۇزەپ، تىك ۇشاقتار كوك جۇزىندە اينالا ۇشىپ، اسكەري اۆتوكولىكتەر، ساۋىتتى اۆتوكولىكتەر، موتوسيكل قوسىندارى اتتانۋعا دايىن تۇردى.

　　سەرت بەرۋ جينالىسىنا قاتىناسقان ورنىقتىلىقتى قورعاۋ قوسىندارى «پارتيانىڭ نۇسقاۋىنا قۇلاق اسامىز، شايقاستا جەڭەمىز، ستيلىمىز ۇزدىك!» دەپ اۋەلەتە ۇرانداپ، اۆتونوميالى رايونداعى ءار ۇلت كادرلارى مەن بۇقاراسىنىڭ قوعامنىڭ ورنىقتىلىعى مەن باياندى تىنىشتىعىن قورعاۋ سىندى باستى نىسانانى بۇلجىتپاي دايەكتىلەندىرەتىن بەرىك بەكىمدەرىن پارمەندى دە ايقىن جاريالاپ، ورنىقتىلىقتى قورعاۋ كۇشتەرىنىڭ ادال دا ەرجۇرەك، المايتىن قامالى جوق، شايقاسسا جەڭبەي قويمايتىن قۇدىرەتتى جاۋىنگەرلىك قۋاتىن كورسەتىپ، شينجياڭداعى ءار ۇلت حالقىنىڭ دۇشپانعا تۇگەل ءتۇيىلىپ، زورلىقتى كۇش لاڭكەستەرىن ءسوزسىز جەڭۋگە دەگەن ورتاق ارمانىن ايگىلەدى.

　　كەلۋ قاينارى: حالىق تورابى