بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شينجياڭ ۋاكىلدەر ۇيىرمەسى جالپى جيىن اشىپ، ۇكىمەت قىزمەتىنەن باياندامانى تالقىلادى

جاڭ چۇنشيان، ەركىن يمىرباقى، چىن چۋانگو، شوكىرات زاكىر، نايىم ياسىن، نۇر باكىر، اسحات كەرىمباي ۇلى جيىنعا قاتىناستى

2017.03.07 15:45   كەلۋ قاينارى : حالىق تورابى



  حالىق تورابى، 7 – ناۋرىز، بەيجيڭ. ءتاڭىرتاۋ تورابىنىڭ حابارى، (ءتىلشى ۋاڭ نا). 5 - ناۋرىز تۇستەن كەيىن، مەملەكەتتىك 12 – كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى جالپى جيىن اشىپ، ۇكىمەت قىزمەتىنەن باياندامانى تالقىلادى.

  مەملەكەتتىك حالىق قۇرىلتايىنىڭ ۋاكىلى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى باستىعىنىڭ ورىنباسارى، ورتالىقتىڭ شينجياڭ قىزمەتىن سايكەستىرۋ گرۋپپاسى باستىعىنىڭ ورىنباسارى جاڭ چۇنشيان، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ەركىن يمىرباقى، شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوننىڭ ءتوراعاسى شوكىرات زاكىر، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، مەملەكەتتىك حالىق قۇرىلتايىنىڭ ۋاكىلى، مەملەكەتتىك ەنەرگيا مەكەمەسىنىڭ باستىعى نۇر باكىر، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى ۇلت كوميتەتى مەڭگەرۋشىسىنىڭ ورىنباسار جوراسى اسحات كەرىمباي ۇلى جيىنعا قاتىناستى. ساۋدا مينيسترى جۇڭ شان جيىنعا كەلىپ، پىكىرلەردى تىڭدادى. اۆتونوميالى رايوندىق پارتكوم شۋجيىنىڭ ورىنباسارى ، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ جيىنعا سىرتتاي قاتىناستى.

  ۇكىمەت قىزمەتىنەن باياندامانى تالقىلاۋدا، ۋاكىلدەر ءبىر اۋىزدان بىلاي دەپ قارادى: لي كىچياڭ زۇڭليدىڭ ۇكىمەت قىزمەتىنەن جاساعان بايانداماسىندا پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحى باستان - اياق ايگىلەندى، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارى، جاڭا يدەيالارى، جاڭا ستراتەگيالارى ايگىلەندى، بۇل سەنىمدى بەكەمدەپ، رۋحتى سەرپىلتەتىن، ادامدى العا باسۋعا جەبەيتىن جاقسى بايانداما بولدى.

  ۋاكىل جاڭ چۇنشيان بىلاي دەدى: 2016 - جىلعى ناتيجەلەر شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قولعا كەلدى. الەمدىك ەكونوميكالىق قۇلدىراۋدىڭ جالعاسۋى مەن ەل ىشىندەگى «3 مەزگىل قاباتتاسقان» كۇردەلى جاعداي الدىندا، پارتيا ورتالىق كوميتەتى «بەستى ءبىرتۇلعالاندىرۋ» جالپىلىق ورنالاستىرۋىن ءبىرتۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتتى، ەكونوميكا باسەڭدەۋ بارىسىندا ورنىعىپ، ورنىعۋ بارىسىندا جاقساردى. ۇكىمەت قىزمەتىنەن بايانداما ورتالىقتىڭ ەكونوميكالىق قىزمەت ءماجىلىسىنىڭ رۋحىن جاقسى دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنى مەن جاڭاشا دامۋ ۇستانىمىن دايەكتىلەندىرىپ، «ءتورت تانىمدى» جانە شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلىن قورعايتىن ساياسي سانالىلىقتى كورنەكتىلەندىرە ايگىلەدى. بايانداما ماسەلەگە بەتپە - بەت كەلىپ، قوعام نازارىنا جاۋاپ قايتارعان، شارالاردىڭ باعىتتامالىلىعى كۇشتى بولعان، وبيەكتيۆتى دە ءونىمدى، رەفورما جاساپ، جاڭالىق اشقان، جۇرتقا شابىت بەرەتىن جاقسى بايانداما بولدى.پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ەكەنىن رەسمي تۇراقتاندىرىپ، پارتيا مەن حالىقتىڭ ءتۇبىرلى مۇددەسىن ايگىلەدى، بۇل پارتيا مەن مەملەكەتتىڭ كوركەيىپ - دامۋىنا، باياندى تىنىشتىعىنا كەپىلدىك ەتۋدە ايرىقشا تەرەڭ ءمان الادى، بۇل پارتيانىڭ، ارميانىڭ، حالىقتىڭ تىلەگىن بارىنشا توعىستىردى.پارتيا ورتالىق كوميتەتى پارتيانى جاپپاي قاتاڭ وڭاۋدى ۇزدىكسىز ىلگەرىلەتىپ، يدەيانى پارمەندى تۇردە بىرلىككە كەلتىرىپ، پارتيا ستيلىن، ۇكىمەت ستيلىن جاقسارتىپ، تاماشا ورتا، تاماشا جاعداي جاراتتى. اسىرەسە، پارتيانىڭ ەكونوميكالىق قىزمەتكە باسشىلىعىن كۇشەيتىپ، ەكونوميكا، قوعام دامۋى سياقتى ءار جاقتى قىزمەتتى بارىنشا جەبەدى.باس شۋجي شي جينپيڭنىڭ ماڭىزدى جەلىلەس سوزدەرىنىڭ رۋحىن جانە ەل باسقارۋ جونىندەگى جاڭا ۇستانىمىن، جاڭا يدەياسىن، جاڭا ستراتەگياسىن ىشكەرىلەي دايەكتىلەندىرىپ، «ءتورت تانىمدى» شىنايى كۇشەيتىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلىن باتىل قورعاپ، يدەيادا، ساياسيدا، ارەكەتتە سانالى تۇردە پارتيا ورتالىق كوميتەتىمەن وسكەلەڭ ءبىراۋىزدىلىقتى ساقتاپ، قوعام ورنىقتىلىعى مەن باياندى تىنىشتىق سىندى باس نىسانانى تىعىز توڭىرەكتەي وتىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىن جانە جاڭا دامۋ ۇستانىمىن ويداعىداي دايەكتىلەندىرىپ، ورنىقتى ارتۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن جاپپاي جاقسى ىستەپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.

  كەلۋ قاينارى: حالىق تورابى

  

【1】 【2】 
جاۋاپتى رەداكتورى : مانەپ ەربول ۇلى

 سۋرەت