شينجياڭ قار – مۇز سپورتىندا مەملەكەتتىك كوماندانىڭ جاتتىعۋ بازاسى بولىپ بەلگىلەندى

2017.03.15 14:15   كەلۋ قاينارى : حالىق تورابى

　　حالىق تورابى، 15 – ناۋرىز، بەيجيڭ. ءتاڭىرتاۋ تورابىنىڭ حابارلاۋىنشا، مەملەكەتتىك سپورت باس مەكەمەسى مەن قىسقى سپورتتى باسقارۋ ورتالىعىنىڭ شينجياڭ ۇيعۇر اۆتونوميالى رايوندىق دەنە تاربيە مەكەمەسى، شينجياڭ شينتيان بوعدا ەكولوگيالىق ساياحاتىن كوركەيتۋ سەرىكتىگى، شينجياڭ جىبەك جولى قار – مۇز نىساندارىن دامىتۋ شەكتى سەرىكتىگى 14 - ناۋرىزدا 2022 – جىلعى بەيجيڭ قىسقى وليمپياداسىنا دايىندىق كورۋ تۋرالى كەلىسىمشارتقا قول قويدى، كەلىسمشارت بويىنشا، ءۇرىمجى جىبەك جولى حالىقارالىق شاڭعى الاڭى مەن ءتاڭىرتاۋ بوعدا شاڭعى الاڭى قار – مۇز سپورتىندا مەملەكەتتىك كوماندانىڭ جاتتىعۋ جاساۋ بازاسى بولىپ بەلگىلەندى.

　　مەملەكەتتىك سپورت باس مەكەمەسى قىسقى سپورتتى باسقارۋ ورتالىعى پارتكومىنىڭ شۋجيى رىن حۇڭگونىڭ ايتۋىنشا، مەملەكەتتىك سپورت باس مەكەمەسىنىڭ باستىعى گوۋ جۇڭۋەن ەكى رەت شينجياڭعا كەلىپ، شينجياڭنىڭ قار – مۇز سپورتىن جەدەل دامىتۋ تۋرالى ءتۇرلى تالاپتاردى ورتاعا قويىپ، ولقىلىق ساقتالىپ وتىرعان سپورت تۇرلەرىن كۇش سالا تولىقتاۋ، شينجياڭنىڭ قار – مۇز بايلىعى مەن دارىندىلار جاعىنداعى باسىمدىلىعىن ساۋلەلەندىرىپ، سالاعا، كاسىپكە، ماۋسىمعا قاراماۋ سىندى پرينسيپ بويىنشا، شينجياڭداعى قار – مۇز سپورتى دارىندىلارىن، وتە – موتە از ۇلت ۇزدىك دارىندىلارىن تابۋ جانە سارالاۋ، 2022 – جىلعى بەيجيڭ قىسقى وليمپياداسىندا ۇزدىك ناتيجەگە قول جەتكىزۋدى باسا دارىپتەدى.

　　كەلۋ قاينارى: حالىق تورابى