وڭتۇستىك كورەيانىڭ پروكۋراتۋرا ورگانى پاك كىن حەنى قولعا الۋدى بەكىتۋدى ءوتىنىش ەتتى

2017.03.28 15:25   كەلۋ قاينارى : حالىق تورابى

　　بۇل 22 – ناۋرىزدا پاك كىن حە وڭتۇستىك كورەيا سەۋل ورتالىق – جەرگىلىكتى ورىن پروكۋراتۋرا مەڭگەرمەسىنەن شىعىپ كەلە جاتىر (ماتەريالدىق سۋرەت). شينحۋا اگەنتتىگى تاراتقان (لي شياڭحاۋ تۇسىرگەن)

　　شينحۋا اگەنتتىگى، 27 – ناۋرىز، سەۋل (تىلشىلەر دۋ باييۇي، گىڭ شۋەپىڭ). وڭتۇستىك كورەيانىڭ پروكۋراتۋرا ورگانى 27 – ناۋرىزدا سوت مەكەمەسىنە بۇرىنعى پرەزيدەنت پاك كىن حەنى قولعا الۋدى بەكىتۋ ءوتىنىشىن بەرۋدى ۇيعاردى. سوت مەكەمەسى تاياۋدا قولعا الۋ كەرەك پە، جوق پا دەگەنگە شەشىم جاسايدى.

　　پروكۋراتۋرا ورگانى بىلاي دەپ قارادى: پاك كىن حە پرەزيدەنتتىك ۇقىقتان الباتى پايدالاندى، كاسىپورىنداردان مال – مۇلىك ولجا الدى، قۇپيالىقتى اشكەرەلەدى، تەكسەرۋدە كوپ ساندى قىلمىس فاكتىسىن تەرىستەدى، دالەل – ىسپاتتى جويىپ جىبەرگەنى جانە بار. پروكۋراتۋرا ورگانىنىڭ جانە ەرەكشە تەكسەرۋ گرۋپپاسىنىڭ پاك كىن حەنى تەكسەرۋ مازمۇنىنا مۇقيات تۇجىرىم جاساۋ نەگىزىندە جانە وسىدان بۇرىنعى پاك كىن حەنى بەتپە – بەت تەكسەرۋ ناتيجەسىن جالپىلاما ويلاستىرۋ نەگىزىندە پروكۋراتۋرا ورگانى سوت مەكەمەسىنە پاك كىن حەنى قولعا الۋدى بەكىتۋ ءوتىنىشىن بەرۋدى ۇيعاردى.

　　پروكۋراتۋرا ورگانى بىلاي دەپ قارادى: «بىرىگىپ قىلمىس وتكىزۋشى» چوي سۇن سيل، پرەزيدەنتتىڭ بۇيرىعىن العان باسقا ۇكىمەت قىزمەتكەرلەرى، سونداي – اق دەلومەن قاتىسى بار پارا الۋشىلار تۇگەلدەي قولعا الىنۋى كەرەك، ءادىل، بارابار بولۋ تۇرعىسىنان ايتقاندا، پاك كىن حەنى قولعا الۋدى بەكىتۋ ءوتىنىشىن بەرۋ زاڭعا جانە پرينسيپكە ۇيلەسەدى.

　　پاك كىن حە وڭتۇستىك كورەيا تاريحىنداعى رو دە ۋ، چون دۋ حۋاننان كەيىنگى كۇدىكتى رەتىندە تەرگەۋگە الىنعان ءۇشىنشى پرەزيدەنت اتانىپ وتىر. ۇعىسۋعا قاراعاندا، سوت مەكەمەسى ەرتە بولعاندا 30 – ناۋرىزدا قولعا الۋ كەرەك پە، جوق پا دەگەنگە شەشىم جاسايدى.

　　وڭتۇستىك كورەيا اتا زاڭ سوت مەكەمەسى 10 – ناۋرىزدا سول كەزدەگى پرەزيدەنت پاك كىن حەگە قاراتىلعان ايىپتاۋ جوباسىن ماقۇلدادى، پاك كىن حە وڭتۇستىك كورەيا تاريحىنداعى ايىپتاۋ سەبەبىنەن مىندەتىنەن الىنعان تۇڭعىش پرەزيدەنتكە اينالدى، سونىمەن بىرگە ءادىليالىق جاقتان تەكتەلمەۋ ۇقىعىنان ايىرىلدى. پاك كىن حە 21 – ناۋرىزدان باستاپ پروكۋراتۋرا ورگانىنىڭ 21 ساعاتقا سوزىلعان بەتپە – بەت تەكسەرۋىن قابىلدادى.

　　كەلۋ قاينارى: حالىق تورابى