بەيجيڭ دەنە تاربيە ۋنيۆەرسيتەتى مەن شينجياڭ دەنە تاربيە مەكەمەسى بىرلەسىپ، U17 از ۇلتتار كومانداسىن قۇراتىن بولدى

2017.03.31 15:33   كەلۋ قاينارى : حالىق تورابى

　　حالىق تورابى، 31 – ناۋرىز، بەيجيڭ. ەلىمىزدەگى تاڭداۋلى دەنە تاربيە جوعارى وقۋ ورنى رەتىندە، بەيجيڭ دەنە تاربيە ۋنيۆەرسيتەتى جاقىندا فۋتبول دارىندىلارىن تاربيەلەۋ جاعىندا جاڭا ءادىستى سىناقتان وتكىزدى.

　　شينجياڭ U17 ەرلەر فۋتبول كومانداسىنداعى 30عا تارتا دوپشى بەيجيڭ دەنە تاربيە ۋنيۆەرسيتەتىندە وزدەرىنىڭ ۇيرەنۋى مەن تۇرمىسىن باستادى، بۇل كوماندا بەيجيڭ دەنە تاربيە ۋنيۆەرسيتەتى مەن شينجياڭ دەنە تاربيە مەكەمەسى بىرلەسىپ قۇرعان U17 از ۇلتتار كومانداسى بولدى. بەيجيڭ دەنە تاربيە ۋنيۆەرسيتەتىنىڭ باستىعى، پارتكوم شۋجيىنىڭ ورىنباسارى چى جيان 29 – ناۋرىز كۇنى تىلشىلەردىڭ سۇقپاتىن قابىلداعان كەزدە، «جۇڭگو فۋتبولىنا رەفورما جاساپ دامىتۋ جالپى جوباسى» شىققان ەكى جىلدان بەرى، ءارقايسى جاقتاردا ءونىمى كورىلگەنىن، مەكتەپتەردىڭ وسىنداي ارەكەتى ارقىلى جۇڭگو فۋتبولىنىڭ دامۋىنا ۇلەس قوسۋىن ءۇمىت ەتەتىنىن ءبىلدىردى.

　　چى جيان بىلاي دەدى: مەملەكەتتىك دەنە تاربيە باس مەكەمەسى مەن شينجياڭ ۇيعۇر اۆتونوميالى رايوندىق ۇكىمەت جان – جاقتىلى سەلبەستىك جاساۋ كەلىسىمىنە قول قويىستى، كەلىسىمنىڭ ىشىندەگى ءبىر ءبولىم مازمۇن، وسى، شينجياڭ فۋتبول دارىندىلارىن بىرلىكتە تاربيەلەۋ. «كوپتەگەن از ۇلت سپورتشىلارىنىڭ تالانتى كەرەمەت، وتكەن مەزگىلدە ءار تۇرلى سەبەپتەردەن شينجياڭدىق سپورتشىلار جاس ٴوسپىرىم كەزىندە مىعىم بولىپ، ەرەسەكتەر قاتارىنا قوسىلعاننان كەيىن جالعاستى جاقسى دامي المايتىن جاعداي ٴومىر سۇرۋدە»، ەندىگى جەردە بەيجيڭ دەنە تاربيە ۋنيۆەرسيتەتىنىڭ ءار تۇرلى باسىمدىلىقتارىنان پايدالانىپ، ولاردىڭ باسەكەلىك قابىلەتىن دامىتىپ، مىقتى سپورتشى ەتىپ تاربيەلەپ، كەيىن مەملەكەت قۇراماسىنا ۋاكىل رەتىندە جارىسقا قاتىناسۋىنا قۇلشىنىس جاسايمىز.

　　كەلۋ قاينارى: حالىق تورابى