تاسقورعان تاجىك اۆتونوميالى اۋدانىندا 5.5 بال جەر سىلكىنىپ، قۇتقارۋ – كومەكتەسۋ كۇشتەرى جەدەل جينالدى

2017.05.12 14:48   كەلۋ قاينارى : حالىق تورابى

　　حالىق تورابى، 12 – مامىر، بەيجيڭ. ءتاڭىرتاۋ تورابىنىڭ حابارلاۋىنشا، قاشقار ايماعى تاسقورعان تاجىك اۆتونوميالى اۋدانىندا 11 – مامىر كۇنى ساعات 5تەن 58 مينۋت وتكەندە 5.5 جەر سىلكىنىپ، اۆتونوميالى رايوندىق پارتكوم مەن ۇكىمەت وسكەلەڭ ءمان بەرىپ، اۆتونوميالى رايوندىق پارتكوم شۋجيى چىن چۋانگو مەن اۆتونوميالى رايون ءتوراعاسى شوكىرات زاكىر دەرەۋ ورنالاستىرۋ جاساپ، ادامداردى كۇش سالا قۇتقارىپ، جارالانعان ادامداردى كۇش سالا ەمدەپ، بۇقارانى جەدەل كوشىرۋ، حاۋىپتىڭ الدىن الىپ، اپاتتان قۇتقارۋ قىزمەتىن ويداعىداي ىستەپ، قايتالاما سىلكىنىس پەن باسقا اپاتتاردىڭ سەبەبىنەن ادامداردىڭ جارالانۋى مەن قازا بولۋىنىڭ، مال – مۇلىكتىڭ زيانعا ۇشىراۋىنىڭ الدىن الۋدى تالاپ ەتتى.

　　اۆتونوميالى رايون ءتوراعاسىنىڭ ورىنباسارى جىرلا يسامدين اۆتونوميالى رايونعا توتە قاراستى قاتىستى بولىمدەردەگى جاۋاپتى جولداستار مەن ماماندار گرۋپپاسىنان قۇرام تاپقان قىزمەت گرۋپپاسىن باستاپ، اپات تۋىلعان جەرگە بارىپ اپاتتان قۇتقارۋ قىزمەتىنە جەتەكشىلىك ەتۋگە اتتاندى. قاشقار ايماعى مەن تاسقورعان تاجىك اۆتونوميالى اۋدانىنداعى قاتىستى جاۋاپتى جولداستار جەر سىلكىنىسى، ءورت ءوشىرۋ، حالىق ىستەرى، دەنساۋلىق ساقتاۋ، قاتىناس، حابارلاسۋ سىندى قاتىستى تاراۋلاردىڭ قىزمەتكەرلەرىن باستاپ، اپات تۋىلعان الدىڭعى شەپكە بارىپ، اپات جاعدايىن كوزدەن كەشىرىپ، اپاتتان قۇتقارۋ قىزمەتىن ۇيىمداستىردى. جەرگىلىكتى پارتكوم مەن ۇكىمەت قاتىستى كۇشتەردى دەرەۋ ۇيىمداستىرىپ، اپاتتان قۇتقارۋ، اپات جاعدايىن انىقتاۋعا جۇمىلدىردى.

　　كەلۋ قاينارى: حالىق تورابى