شينجياڭدا كوشپەلىلەر مادەنيەتىن بەينەلەيتىن «مالشى رۋحى» اتتى فيلىم تۇسىرىلە باستادى

2017.05.15 16:47   كەلۋ قاينارى : حالىق تورابى

　　تيانشان كينو ستۋدياسىنىڭ رەڭدى، كەڭ ەكراندى ستەرو دىبىستى كينو فيلىمى ــ «مالشى رۋحىن» (فيلىم اتى حانزۋشادان اۋدارىلدى) ءتۇسىرۋدى باستاۋ سالتى 13 – مامىردا موريدا وتكىزىلدى. بۇل فيلىمدە قۇمار جانە قاديشا ەسىمدى ەكى مالشى وتباسىنىڭ كەشىرمەلەرى ارقىلى رەفورما جاساپ، ەسىك اشقان 40 جىلدان بەرگى ساحاراداعى كوشپەلىلەردىڭ ءومىرى سۋرەتتەلىپ، جىلاتاتىن دا جۇباتاتىن ءومىر داستانى ايگىلەنىپ، تابيعاتتىڭ تاڭعاجايىپ كارتينالارى تۇسىرىلەدى.

　　ۇعىسۋعا قاراعاندا، اتالعان فيلىم كوكتەم، جاز، كۇز، قىس ءتورت ماۋسىمدا تۇسىرىلەدى، كوكتەم مەن جاز مەزگىلىنە تۋرا كەلەتىن بولەكتەرى نەگىزىنەن موري اۋدانىنا تۇسىرىلەدى.

　　اۆتونوميالى رايوندىق ساياسي كەڭەستىڭ تۇراقتى مۇشەسى، شينجياڭ كينوشىلار قوعامىنىڭ ءتوراعاسى، تيانشان كينو ستۋدياسىنىڭ باستىعى گاۋ حۋاڭگاڭ: ەلىمىز قوعامى مەن مادەنيەتىنىڭ جەدەل دامۋىنا ىلەسە، قازاق مالشىلارىنىڭ تۇرمىس شارت – جاعدايى دا ۇزدىكسىز جاقسارۋدا، بايىرعى كوشۋ تاسىلدەرىنىڭ ورنىن بىرتىندەپ وسىزامانعى قاتىناس قۇرالدارى باسۋدا. سوندىقتان، بۇل فيلىم حالىقارالىق كوز ايا مەن جاعداي تۇرعىسىنان، قازاقتىڭ كوشپەندىلىك مادەنيەتىن جان – جاقتىلى ەستەلىككە الىپ قالۋدى ماقسات ەتەدى، - دەيدى.

　　تيانشان كينو ستۋدياسى وسى جولى ەڭ ۇزدىك شىعارماشىلىق توپ پەن ماڭداي الدى مونتاجداۋ جانە اۋەدەن ءتۇسىرۋ ۇجىمىن ىسكە قوسىپ، كەزەكتە ەلىمىزدەگى ەڭ جاقسى 4 دانا سيفرلى اپپاراتتان پايدالانىپ، بىرەگەي كينو تۇسىرۋگە تالپىنادى.

　　گاۋ حۋاڭگاڭ: «مالشى رۋحى» اتتى كينونى ءتۇسىرىپ بولعاننان كەيىن، بۇل كينونى حالىقارادا تانىستىرىپ، «ءبىر بەلدەۋ، ءبىر جول» بويىنداعى ەلدەردە كورسەتىپ، كوركەم شينجياڭنىڭ اسەم كوركىن بۇكىل الەمگە ايگىلەيمىز، - دەيدى.

　　كەلۋ قاينارى: حالىق تورابى