شينجياڭدا تىك ۇشاقپەن اۋەدەن ساياحاتتاۋدىڭ جاڭا كەزەڭى باستالدى

2017.05.22 14:10   كەلۋ قاينارى : حالىق تورابى

　　حالىق تورابى، 22 – مامىر، بەيجيڭ. ءتاڭىرتاۋ تورابىنىڭ حابارلاۋىنشا، شاڭحاي چيدى اۆياتسيا كلۋبى 20 – مامىردا شينجياڭداعى باس شتابىنىڭ بازاسىنا ورنالاسىپ، شينجياڭدا تىك ۇشاقپەن اۋەدەن ساياحاتتاۋدىڭ جاڭا كەزەڭى باستالدى.

　　ۇعىسۋعا قاراعاندا، چيدى اۆياتسياسى شينجياڭعا ورنالاسقان سوڭ، تىك ۇشاق ۇشىپ – قوناتىن 3000 شارشى مەترلىك الاڭ سالادى، كلۋبتا مۇشەلىك ءتۇزىم اتقارىلىپ، بۇكىل قوعامعا اشىق ۇستالادى، بۇل شينجياڭداعى ۇشۋ اۋەسكەرلەرىنە اۋەگە شارىقتاۋدىڭ ورايىن سيلاپ، اۆياتسيا بىلىمدەرىن جالپىلاستىرۋ مەن اۆياتسيا دارىندىلارىن تاربيەلەۋگە ءتيىمدى بولادى، نەگىزىنەن تىك ۇشاقپەن اۋەدەن ساياحاتتاۋ مەن ساۋدا سيپاتىندىق ۇشۋ مىندەتتەرىن اتقاراتىن بولادى.

　　شاڭحاي چيدى حالىقتىق اۆياتسيا شەكتى جاۋاپكەرشىلىك سەرىكتەستىگىنىڭ جورالار باستىعى جين حايبونىڭ ايتۋىنشا، چيدى اۆياتسياسى حالىقتىق اۆياتسيا ىستەرى مەن ساياحاتتى نىسانا ەتىپ، شينجياڭدا ساياحات ورىندارىندا اۋەدەن تاماشالاۋ، تىك ۇشاقتى ساۋدا سيپاتىندىق تاپسىرىسپەن مايعا الۋ جانە مايعا بەرۋ، تىك ۇشاق ۇشقىشى كۋالىگىنە تاربيەلەۋ، تىك ۇشاق ساتىپ الۋعا جانە اماناتقا قويۋعا قىزمەت وتەۋ، تىنىش كۇيدەگى عىلىم - تەحنيكانى تاماشالاۋ، اۋەدە ۇشىپ كورۋگە سايكەسۋ قاتارلى قىزمەتتەردى وتەيدى.

　　كەلۋ قاينارى: حالىق تورابى