شينجياڭ پەداگوگيكا ۋنيۆەرسيتەتى 3 – كەزەكتى جىبەك جولى حالىقارالىق مادەنيەت مەرەكەسىن وتكىزدى

2017.06.07 14:29   كەلۋ قاينارى : حالىق تورابى

　　حالىق تورابى، 7 – ماۋسىم، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ پەداگوگيكا ۋنيۆەرسيتەتى 6 – ماۋسىمدا 3 – كەزەكتى جىبەك جولى مادەنيەت مەرەكەسىن وتكىزدى، 24 مەملەكەتتەن كەلگەن شەتەلدىك وقۋشىلار كيىم – كەشەك كورگىزبەسىن وتكىزۋ، ءان شىرقاپ، ءبي بيلەۋ سىندى تاسىلدەرمەن كورەرمەندەرگە شەتەلدىك وقۋشىلاردىڭ جارقىن بەينەلەرىن تانىتتى.

　　ۇعىسۋعا قاراعاندا، وسى رەتكى مادەنيەت مەرەكەسى سالت – سانانى كورسەتۋ، ەرەكشەلىككە يە تاۋارلاردى ساقتاۋ قاتارلى فورمالاردا وتكىزىلدى. مادەنيەت مەرەكەسىنىڭ ماقساتى: وسى قيمىل ارقىلى شەتەلدىك وقۋشىلارعا مەكتەپتەگى مادەنيەت اياسىنىڭ ايالاۋىن تولىق سەزىندىرۋ، ولاردىڭ وزگەشە مادەنيەت جونىندەگى سەزىمىن جانە مەكتەپ قۇشاعىنا سۇيىسپەنشىلىگىن كۇشەيتۋ ارقىلى ولاردىڭ مەكتەپ قۇشاعىنداعى ۇيرەنۋ مەن تۇرمىسقا اناعۇرلىم ويداعىداي ۇيلەسۋىنە وراي جاراتۋ. سونىمەن بىرگە، ءار ەلدىڭ سالت – ساناسىن كورسەتۋ ارقىلى، جۇڭگولىق ستۋدەنتتەرگە شەتەلدىڭ ادەت – عۇرپىن تانىستىرۋ، جىبەك جولى ەكونوميكالىق بەلدەۋى بويىنداعى ءار ەل ستۋدەنتتەرى اراسىنداعى اۋىس – كۇيىس پەن دوستىقتى نىعايتۋ.

　　كەلۋ قاينارى: حالىق تورابى