كوكقامىردىڭ سۇلۋ كەلبەتى

2017.06.08 15:21   كەلۋ قاينارى : حالىق تورابى

　　قۇلجا اۋداننىڭ كوكقامىر ساحاراسى قۇلجا قالاسىنا ەڭ جاقىن ايگىلى كوركەم جايلاۋلاردىڭ ءبىرى. جىرا - جىلعالاردان مولدىرەپ اققان تاس بۇلاقتار جاعاداعى الۋان گۇلدەرمەن سىر شەرتىسىپ، كوك اسپان، اقشا بۇلتتارمەن جاراسىم تاۋىپ، اق قالپاق كيگەن ماڭعاز تاۋلاردىڭ قويناۋىندا، كەڭ بايتاق ساحارانىڭ سىرعا تولى سۇلۋلىعىن ايگىلەپ تۇرسا، اناۋ كوك بەلدىڭ ءدال ۇستىنە ورناعان كىشكەنتاي «جاسىل كول» سيقىرلى سۇلۋلىعىمەن باۋرايدى. بۇل كول ارناۋلى ىزدەپ بارعان ادام عانا بىلمەسە، كوپ ادامدار مۇلدە تابا المايتىن قيىن جەرگە ورنالاسقان. مۇنداعى شارۋالاردىڭ ايتۋىنشا بۇل كول الاپەس، قوتىر، جاراقات سياقتى تەرى كەسەلدەرى بار ادامدارعا ەم بولاتىن «اراسان كول» دەپ تە اتاسادى ەكەن. ماقالاسىن جازىپ، فوتو سۋرەتتەرىن تۇسىرگەن باعداۋلەت باتىربەك ۇلى

　　كەلۋ قاينارى: حالىق تورابى