تەبىندى ەلدەردىڭ مەديا فورۋمى بەيجيڭدە وتكىزىلدى

2017.06.09 14:35   كەلۋ قاينارى : حالىق تورابى

　　شينحۋا اگەنتتىگى، 8 – ماۋسىم، بەيجيڭ (سۇن ي، جىڭ ميڭدا) تەبىندى ەلدەردىڭ مەديا فورۋمى 7 – ماۋسىمنان 8 – ماۋسىمعا دەيىن بەيجيڭدە وتكىزىلدى، تەبىندى بەس ەلدەن كەلگەن 27 نەگىزگى اقپارات قۇرالىنىڭ جاۋاپتىسى فورۋمعا قاتىناستى. جيىنعا قاتىناسۋشىلار ءتۇرلى سالالاردا كەڭ اۋقىمدى تانىم بىرلىگىنە كەلدى ءارى «تەبىندى ەلدەردىڭ مەديالىق سەلبەستىك ارەكەتىنىڭ جوسپارىن» بىرلىكتە جاريالادى.

　　تەبىندى ەلدەر مەديا فورۋمىنىڭ اتقارۋشى ءتوراعاسى، شينحۋا اگەنتتىگىنىڭ باستىعى ساي ميڭجاۋ اشىلۋ سالتىن باسقاردى ءارى «تەبىندى ەلدەردىڭ مەديالىق سەلبەستىگىن تەرەڭدەتىپ، بىرگە كوركەيتۋ، ورتاقتاسۋ، بىرگە يگىلىكتەنۋ» اتتى تاقىرىپتا لەكسيا جاسادى. ول مىنانى اتاپ كورسەتتى: فورۋمنىڭ ءساتتى ۇيىمداستىرىلۋى قىركۇيەكتە شيامىندە وتكىزىلەتىن تەبىندى ەلدەر باسشىلارىنىڭ كەزدەسۋىنە تاماشا شارت – جاعداي ازىرلەپ، تەبىندى ەلدەر سەلبەستىگىنىڭ ۇزدىكسىز تەرەڭدەۋىن ىلگەرىلەتەدى.

　　ساي مىڭ جاۋ بىلاي دەدى: تەبىندى ەلدەردىڭ سەلبەستىگىن بايتەرەككە تەڭەسەك، ونىڭ جاپىراقتارى قاۋلاي وسكەن بولسا دا، ءالى دە قۇنارلى تىڭايتقىش بەرىپ، باپتاۋدى قاجەت ەتەدى. تەبىندى ەلدەردىڭ اقپارات قۇالدارى «باعبان» بولا ءبىلۋى كەرەك، تەبىندى ەلدەردىڭ سەلبەستىگىنە دوستىق پەن ءوزارا سەنىمنىڭ ءنارىن سەبۋى، تەبىندى ەلدەردىڭ دامۋ جەتىستىكتەرىن اناعۇرلىم جەتكىلىكتى ايگىلەۋى، تەبىندى ەلدەردىڭ ءتۇرلى سالالارداعى اۋىس - كۇيىسىن اناعۇرلىم ىشكەرىلەي ىلگەرىلەتۋى، تەبىندى ەلدەردىڭ ءۇنىن اناعۇرلىم اسقاقتاتىپ، حالىقارالىق كوممۋنيكاتسيانىڭ اناعۇرلىم ءادىل دە ۇيلەسىمدى باعىتقا قاراي دامۋىن ىلگەرىلەتۋى كەرەك.

　　شينحۋا اگەنتتىگىنىڭ باس رەداكتورى حى پيڭ جابىلۋ سالتىن باسقاردى.

　　كەلۋ قاينارى: حالىق تورابى