بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شي جينپيڭ شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 17 – ماجىلىسىنە قاتىناستى ءارى ماڭىزدى ءسوز سويلەدى

2017.06.12 13:44   كەلۋ قاينارى : حالىق تورابى



  «حالىق گازەتى»، 9 – ماۋسىم، استانا (تىلشىلەر ۋ يان، دۋ شاڭزى، جوۋ حانبو). شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 17 – ءماجىلىسى 9 – ماۋسىمدا قازاقستاننىڭ استاناسى استانا قالاسىندا وتكىزىلدى. مەملەكەت ءتوراعاسى شي جينپيڭ قازاقستاننىڭ پرەزيدەنتى نۇرسۇلتان ءابىش ۇلى نازاربايەۆ، قىرعىزستاننىڭ پرەزيدەنتى اتامبايەۆ، رەسەيدىڭ پرەزيدەنتى پۋتين، تاجىكستاننىڭ پرەزيدەنتى راحمون، وزبەكستاننىڭ پرەزيدەنتى ميرزيايەۆپەن بىرگە ماجىلىسكە قاتىناستى. شي جينپيڭ ماجىلىستە ماڭىزدى ءسوز سويلەپ، شاڭحاي ىنتىماقتاستىق ۇيىمىنا مۇشە ەلدەردىڭ تاعدىرلاس ورتاق تۇلعاسى تانىمىن نىعايتىپ، ىنتىماق پەن سەلبەستىكتى بەكەمدەپ، سايىسقا قول ۇستاسا توتەپ بەرىپ، ناقتى سەلبەستىكتى تەرەڭدەتىپ، گۋمانيتارلىق بايلانىستى جاقىنداتىپ، اشىق، سيىمدى بولۋدان جازباي، وسى ۇيىمنىڭ اناعۇرلىم نۇرلى كوركەم بولاشاعىن قول ۇستاسا جاراتۋدى دارىپتەدى.

  مۇشە ەلدەر باسشىلارى الدىمەن شاعىن ءماجىلىس وتكىزدى، سوڭىنان باقىلاۋشى ەلدەر اۋعانستاننىڭ پرەزيدەنتى گاني، بەلروسسيانىڭ پرەزيدەنتى لۋكاشەنكو، موڭعۇليانىڭ پرەزيدەنتى ەلبەگدورج، ءۇندىستاننىڭ پرەمەر مينيسترى مودي، پاكيستاننىڭ پرەمەر مينيسترى شاريف، يراننىڭ سىرتقى ىستەر مينيسترى زاريف جانە ب م ۇ – نىڭ باس حاتشىسى گۋتتەرەش قاتارلى حالىقارالىق جانە وڭىرلىك ۇيىمداردىڭ ۋاكىلدەرى قاتىناسقان كەڭەيتىلگەن ءماجىلىس وتكىزىلدى. ءماجىلىستى نازاربايەۆ باسقاردى. ماجىلىسكە قاتىناسۋشىلار شاڭحاي ىنتىماقتاستىق ۇيىمىنىڭ قازىرگى دامۋ جاعدايىن، مىندەتتەرى مەن بولاشاعىن تالداپ، حالىقارالىق جانە وڭىرلىك ماسەلەلەر جونىنەن پىكىر الماستىرىپ، كەڭ كولەمدە ورتاق تانىمعا كەلدى. ماجىلىستە ءۇندىستان مەن پاكيستانعا شاڭحاي ىنتىماقتاستىق ۇيىمىنىڭ مۇشەسى مارتەبەسى رەسمي بەرىلدى. ماجىلستە شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ كەلەسى ءماجىلىسىن 2018 – جىلى جۇڭگودا وتكىزۋ ۇيعارىلدى. جۇڭگو كەلەسى كەزەكتى ءتوراعالىقتى قابىلدادى.شي جينپيڭ «ىنتىماقتاسا سەلبەسىپ، اشىق جانە سيىمدى بولىپ، حاۋىپسىز، ورنىقتى، دامىعان، گۇلدەنگەن ورتاق مەكەندى قول ۇستاسا قۇرايىق» دەگەن تاقىرىپپەن ماڭىزدى ءسوز سويلەدى.شي جينپيڭ بىلاي دەدى: بيىلعى جىل __ «شاڭحاي ىنتىماقتاستىق ۇيىمى ەرەجەسىنە» قول قويىلعاندىعىنىڭ 15 جىلدىعى، سونداي – اق «شاڭحاي ىنتىماقتاستىق ۇيىمىنا مۇشە ەلدەردىڭ باياندى كورشىلىك دوستىق ىنتىماقتاستىق شارتىنا» قول قويىلعاندىعىنىڭ 10 جىلدىعى. مۇشە ەلدەر «شاڭحاي رۋحىن» باسشىلىققا الۋدان جازباي، ىنتىماقتاسىپ ورتاق يگىلىككە كەنەلۋ سىندى جاڭاشا حالىقارالىق قاتىناستىڭ ۇلگىسىن كورسەتتى. جۇڭگو ءارقايسى جاقپەن بىرگە تاعدىرلاس ورتاق تۇلعا تانىمىن نىعايتىپ، حاۋىپسىز، ورنىقتى، دامىعان، گۇلدەنگەن ورتاق مەكەن قۇرۋدى قالايدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : مۇحيت امانتاي ۇلى

 سۋرەت