اقسايداعى قايىز ساحاراسىنىڭ ەكولوگياسى جاقسارا باستادى

2017.06.13 16:11   كەلۋ قاينارى : حالىق تورابى

　　مارالبەك ابدىكارىم ۇلى حابارلايدى. قايىز ـ - گانسۋ ولكەسىنىڭ اقساي قازاق اۆتونوميالى اۋدانىنداعى ساحارانىڭ اتى، بۇل جەر تەڭىز دەڭگەيىنەن 2800 مەتر بيىكتىكتە بولىپ، وسى اۋداننىڭ التىن اۋىلدىعىنا قاراستى. التىن اۋىلدىعىنىڭ ايناكول قىستاعى، اقتام قىستاعى، سەرتىن قىستاعى وسى قايىز وڭىرىنە ورنالاسقان بولىپ، قايىز وڭىرىندەگى مالشىلاردىڭ شۇرايلى جايلىمى ەدى، ال ساحارا وڭىرىندە اتى الىس -جاقىنعا تانىلعان ۇلكەن، كىشى ايناكول جىل قۇستارى تابيعي قورىعى بار بولىپ، اقساي اۋدانىنىڭ ەڭ كوركەم ساياحات ءتۇيىنى بولسا، قايىز سازدىعى گانسۋ ولكەسىندەگى ەڭ ۇلكەن سازدىق بولىپ ەسەپتەلەدى. جاقىنعى جىلداردان بەرى قاراي، اقساي اۋدانى تابيعي جايىلىم مەن سازدىقتى قورعاۋ نىسانىن پارمەندى جۇرگىزىپ، ساحارا ەكولوگياسىن تىڭايتىپ قالپىنا كەلتىرۋدى ورتاعا قويدى، سونىمەن قايىز ساحاراسىنداعى ءارتۇرلى جىل قۇستارىنىڭ تىرشىلىك ورتاسىنا جاقسى شارت - جاعداي جاراتىلدى.

　　سۋرەتتەردى ماقان قاپاس ۇلى تۇسىرگەن. سۋرەتتە قايىز ساحاراسىنىڭ كوز تارتار كوركەم كورىنىسى.

　　كەلۋ قاينارى: حالىق تورابى